Chan Chan: Zuam Nak In Ai Thawk Mi Hlasak Thiam Paoh Hna Hi Melody World Lawng Tein An Si Hna

Hlasak thiam Chan Chan cu kum 2007, Melody World ai zuam nak in a rak lar mi a si. Mah lio ah cun online in vote pek a rak um rih loh, social media a rak um hlan a si caah MWD Channel in rak zoh i tha rak pek a si. Melody World in rak theih hmasa bik mi hna cu Htet Nay Kyi, Chan Chan le a thi cang mi Ko Ko Maung hna hi an rak si. A hnu ah Irene Zinmar Myint, Kaung Kaung, Phyoe Pyay Sung, Nyi Nyi Khin Zaw hna hi Melody World in a van lar than mi an si hna.

Melody World he pehtlai in Chan Chan nih a rak chim mi kan rak langhter hna. “An thlah nak channel he zong ai san mi a si, zoh huam tak tak mi channel a si zong kha a hau, cun a sisin a bawm tu hna thazang der zong kha ai tel fawn. Kan Kawlram ah a um mi Ramdang nih bawmh mi le ram leng licence a ngei mi The Voice, Myanmar Idol le Myanmar’s Got Talent hna cu mi tampi nih a hlei in an seihunsa mi hna a si caah hla lei lawng si lo in performance pawl an cawh, fashion lei an cawh, capo lei an cawh tik ah mipi nih talent lawng kha an zoh huam ti loh.

Cu ruang ah Melody World hi date a out cang mi bantuk ah a cang. Asinain Melody World in a rak chuak mi hlasak thiam hna hi anuhpingngia lei kar an hlan ah cun an mah le hmun le sining te ah a dir kho mi an si hna. Anuhpingngia ram ah a um mi hlasak thiam, zuam nak hmun in minthang ah ai chuah mi hlasak thiam hna hi Melody World lawng tein an si dih” tiah a rak chim hi a si.

Cun a chim rih mi cu “အရည္ခ်င္း a ngei mi hna cu performance pakhat lawng in a ngah loh, performance lawng ngeih i hla lei ti khawh lo zong a ngah fawn loh, amah he ai tlak mi performance zong a ngei lai, suaisawng hmuh a ngei mi aw zong ai ngeih fawn lai. Hla sa kho paoh hlasak thiam an si loh,a biapi in zuamnak a dih bak in hlasak thiam ti khawh a si loh ” tiah a chim than hi a si. Chan Chan cu kum 2007 lio Melody World a rak i zuam mi a hawi le hna he khuai thar i chuah ding in timhlamh nak an ngei. Ko Ko Maung a hmattaya le saya KAT(ေကေအတီ) hla phuah mi hna zong kha telh in group songs an sa lai tiah theih a si.