Lungfak Ding A Si Lo; Kan Tuh Bangin Kan Zun Ve Cang Ko Lai ( Chin Ralzam le UNHCR)

Aluan cia kum 3 or 4 lio ahkhan CNF nih ramri ah voi 2 tiang civui pi (conference) an rak tuah. Cu lio ah a bik in Malaysia le India ram ah atang rih mi hna CHIN ralzam pawl hna nih an mah le semnak ram (CHIN) ram lei ah an kir than khawh nak ding caah tiin biatak tein ( CHIN ralzam Issue) kong an rak i ceih. Cu pinah Malaysia UNHCR lutlai le cheukhat zung rian tuan tu pawl hna zong nih an mah pumpak hrim hrim in CHIN ram ah thlat-hlai nak an rak tuah rih.

2016 lio ahkhan CHIN ralzam minung pa 20 ( cases) nih UNHCR ah kan ram lei ah kir than kan duh tiin an kir than duh nak kong an rak chim colh. Cu lio ahcun UNHCR nih Interview arak tuah duh rih hna lo. Nain, CHIN ralzam cheukhat pawl nih rianrang in interview rak kan auh uh, kan ram lei ah kir than kan duh cang tiin an rak hal hna. Tlawmpal ah UNHCR nih Interview an rak auh colh ve hna. UNHCR nih bia an hal dih hna hnu ah biahal nak le bialeh nak an rak tuah mi hna cu ” Nan ram lei ah nan kir than a si ahcun nan him tak tak lai maw? Zei tin dah nan paw nan i cawm ning a si lai? timi pahnih hi biahalnak an rak tuah than hna, Cun UNHCR nih ” Budget” phaisa kan ngeih rih lo caah nan caese hi Geneva ah kan i kuat piak ta hna lai ” nan kir nak ding caah bawm kan i hal piak ta hna lai tiah an ti hna.

Cu lio ahcun CHIN ralzam cheukhat kir a duh mi hna le UNHCR lei in ( biahaltu) hna karlak an biahal le leh mi pawl hna cu CHIN ram cu a him tuk cang kan kir than kho cang, pumpak security ca zongah a him cang ko tiah an rak ti hna. Hi CHIN ralzam minung 20 ( cases) hna nih biachahnak an rak tuah mi hi ” CNF conference ” ah an rak ceih mi thawngpang an rak theih caah pumpak biakhiahnak an rak tuah a si kho men. Aruang cu CNF conference a dih bak in” Online ah voluntary repatriation kong arak auh pi colh mi an rak um caah a si.

Nihin UNHCR nih Geneva ah proposal an tial mi cu biatak tein approve (cohlan) nak an rak tuah tak tak cang tikah a donghnak ah a lungfak mi cu kan mah lila tu kan rak si cang. 2016 lio ah keimah pumpak hrimhrim in online ah ralzam kir nak ding caah arak auh pi hmasa tu pawl hna ka rak el bal cang hna. UNHCR zongah pumpak in holh ka leh piak rih hna. Nihin ahcun a tuar zia thiam ti loin kan mah lila tu kan lungfak cang. A poi ngai, tutan zongah option thim ding an kan pek ko nain 2019 pin lei ah UNHCR card a tlai than kho ding (qualify) nan um lai ti kan i zumh hna lo tiah UNHCR nih an biacah cu a si.

Credit: Salai Bawi Hlei Hu