Myanmar Actor Min Sein (Mi sual Zetkaa Ah Lemcang A Tuan Lengmang Mi ) A Nunnak A Liam

Kum 35 chung, minta dirhmun in misual, dum hngak dirhmun tiin a chang tete in lemcang a rak tuan mi lemcang Min Sein(56) cu tuni January 5, zinglei 2:30 hrawng ah Yangon siizung pi ah ruah lo piin a nunnak a liam tiah theih a si. Zetkaa ai thlak ti lo hnu ah a rak cawlcangh le an paw cawm nak ding ah zei rian dah a rak tuan timi zong kan rak langhter chih.

Lemcang Min Sein nih zetkaa kan i thlak lo ah cun ni thum ah ei din awk kan har cang tiah 2018 lio interview an rak tuah nak ah a chim. Zetkaa ai thlak ti lo hnu ah din ti thiang (ေရသန္႔ဘူး) inn kip ah a pek hna nak kong le cu ah a hmuh mi phaisa tlawmte in an paw an i cawm nak kong hna kha a rak chim. A kong lam te van hngalh khawh than nak ding ah May 6, 2018 ah interview an rak tuah nak video zong kan rak chiah chih.