Selena Gomez le Hailey Baldwin An Thilhruk Mi Ai Khat Thiam Ngai

Justin Bieber nupi Hailey Baldwin le Justin Bieber a nungak thing Selena Gomez cu an thil hrukmi ai khat thiam ngai, an thil hrukmi a za tein si loin an angki hrukmi ai khat. Mah ti an angki hrukmi ai khah cu media hna lung zong a lak ngaingai hna. Kum 26 hlasak thiam Selena Gomez le kum 22 model Hailey Baldwin hna nih i tong thiam ngai in an i hruk timi thil cu Selena Gomez nih December 29 ah khan ai hruk hmasa, Beverly Hills khua La Scala ah a hawi le he chuncaw an ei nak ah ai hruk hi a si.

     

Iaga tazaih high neck sweater meikhu rong, Jeans bawngbi a nakmi le savun keden ai denh i a sam tu cu simple tein ai tem, nain ai thlak taktak. Hailey Baldwin tu nih cun January 7 ah khan an pa he Los Angeles an len nak ah Selena nih ai hruk mi bantuk Balenciaga tazeih meikhu rong ai hruk ve hi a si.

    

Selena hrukmi he ai den nak cu Hoodie bantuk sweater a si ve. Tlawmpal cu an thil hruk mi ai dang ko nain Balenciaga veve a si pin ah sweater a rong tiang ai khat mi a si caah a si. Hailey Baldwin nih phung ning tein Justin Bieber nupi a si nak langhter nak ah a IG min ah Bieber ti a telh chih cang.

   

Be the first to comment

Leave a Reply

Your email address will not be published.


*