UN palai pakhat nih mi ramdang ah a duh paoh aa cawlcang le nawlngeihnak lak a duh tiah sual an puh caah an ram chungin an thawl tak ko

Somalia Cozah nihcun an ram i UN Palai Nicholas Haysom cu an ram hruaitu bantuk i khuasa mi ah an puh i an ramchung in an tthawl. Haysom nih hin tapung hlun Islamist Mukhar Robow ttanpitu sandahpiah hrihtu hna thah an si nak kong hna chim phuan i, hi thil cang mi ah hin a mawhchiat nak bia hna achim. UN nihcun security force hna nih sandahpiah hrihtu hna an phom nak ahhin minung 15 an thi i, midang 300 hrawng tlaih ansi tiah a chim.

Robow hi al-Shabab tapung ah deputy leader asi tawn i, nain kum 2017 inkhan tapung hi a chuahtak. Nikum October thla ahkhan Somalia- South West state president thimnak ah cuh ai timhnak kong a rak cim cang. Nain cozah nihcun thimnak ah hin I cuh ve rem a ti lo.

December thla hramthok ahkhan security force hna nihcun an tlaih i, Cozah nihcun tapung pawl zumhning phung le phai a kal tak rih tak tak lo tiah chim fiannak an tuah.

UN palai Haysom nihcun nikum December ni 30 ahkhan Somalia cozah sinah Robow tlaih asi nak a ruang le amah ttanhtu hna phomh ansinak aruang fianter ding in ati hna. mah hi thil hi cozah nih a leh le lo tarlang a si lo. nain mah hnu tlawmpal ah UN palai cu an ramchhung um ding in an lawmh ti lo (duh ti lo)nak kong cozah nihcun an chim colh.

Somalia foreign minister Ahmed Isse Awade nihcun Haysom nih palai rian a ttuannak ah phunglam a buar i, Somalia ram hruaitu bantuk in a um tiah a chim. a cawlcangh ning ni UN ca zong ah ningzak tak tak asi tiah a chim i Somalia ram independence le I hruainak a buar tiah, a ti.

Be the first to comment

Leave a Reply

Your email address will not be published.


*