A Mak Ko, Hlasak Thiam Chan Chan Fanu Te Cu Kum 5 Lawng A Si Nain Dawtnak Ca Pek A Tong Cang

Melody World in a minthang mi hlasak thiam Chan Chan cu hla tha tha in tha pe tu hna thinlung a la kho tu hlasak thiam pakhat a si. A tu lio ah Chan Chan cu a fanu te he lawng nuam tein an um kha theih cio a si. A fanu te tha tein a zohkhenh nak kong hna zong kha Chan Chan nih a chim. A fanu te cu a pi le pu zohkhenh nak tang ah le a pa zohkhenh nak tang in a thang mi zong a si.

Chan Chan nih a hlan chan le a tu chan thil sining ai lawh lo nak tete kha a chim. “Kan dihlak in kan i daw tuk hna, a tu ah cun Inn dang te ah kan um caah kai manh lo a si ah cun ka nu le ka pa nih hin an rak zohkhenh tawn, cu ti cun kan um hna. Cun a pa ai manh lo a si ah cun keimah nih ka zohkhenh. Pakhat le pakhat a caan kan i khiah piak i nau hi kan um tawn.

Ka nu nih a chim tawn bantuk in a mah ka nu mithmuh ah cun kan mah hi ngakchia te kan si rih, ka fanu chin chin hi cu a ngakchia tuk rih, asinain kan nih cu kan van a tha tuk, tanghra kan kai lio, University kan kai lio hrawng darling ngeih that zong thei hlah, inn ah um i, unau lawng in lente i celh in kan rak um hna.

Asinain ka fanu te cu a mah lawng a si tik ah hawikomh ding ai palh lai i, a rawk sual lai tihi ka phan bik mi a si. Cu ruang ah leng a chuah zong ah keimah tel lo cun a ho hmanh ka zulh ter hna loh. Pa a hawi kom birthday si ah cun keimah pumpak in ka zulh lai. A ngakchia tuk rih ko nain ka thlah thlam tuk lai loh, zei ca ti si ah cun a tu chan cu tang thum/li in duh mi a ngei mi an tam cang hna caah ka fanu hi atuah mi thil kip ah ka ngiat, ka zoh ,cu tik ah ka nu nih nan mah lio zong ah mah ti hin nan si tung lo a ka ti i, ka nu kan chan ai khat loh.

An khan chung ah dawtnak ca a pe tu zong an um. Hi kum 5 a si mi hi, cu tin thil a si tik ah ka lau ko, a ho dah ca a pe tu a si hnga ti zong kha kan zoh, kan nih zong a chuak tuk. A tu chan hi cu kan tei bak hna loh” tiah media pakhat interview ah a chim hi a si.