Nikki Bella Nih John Cena He An I Thennak A Ruang A Chim

Nai te ah a rak thang mi Nikki Bella le WWE Champion John Cena an i then timi thawngpang nih an mah a uar i tha a pe tu hna cu a lau ter ngai hna pin ah an lung a that ter lo ngai ngai hna. A luan cia kum 6 te khan fan hna nih an rak uar ngai cang mi hna kawp an si i, John Cena zong nih Nikki Bella cu a dawt tuk tik ah a ran khawh chung in, i um hna seh ti hi mi tampi nih an rak duh piak ngai hna. John Cena le Nikki Bella hna cu a luan cia kum khat ah i ham nak an rak tuah i, a rauh hlan ah puai tuah ding in ai tim mi hna an si nain nai te ah khan Bella nih an i ham nak puai cu a phiat than.

Hi tluk ai duh i, ai daw mi hna a tu bantuk in an i then tik ah fan hna cu khauruah har lo awk a tha hrim hrim loh. Nikki Bella nih an i then nak a ruang a fian ter mi cu John Cena nih nau ngeih a duh tuk nain amah Bella nih nau ngeih a duh rih lo caah a si tihi a si. Nikki Bella nih nau ngeih ai timh hi, hi hnu kum 10 hnu lawng ah a si te lai tiah John Cena nih interview ah a chim bantuk in Bella zong nih a hman ko, kum 40 hnu lawng ah nau ngeih ka duh tiah a chim ve.

Nikki Bella nih John Cena hi a dawt tuk ko nain nau ngeih nak ding kong ah an buai deuh caah Nikki Bella lei in a then hmasa nak hi a si. Kum 6 tiang an i uar chung ah ai nuamh nak hna zong kha Nikki Bella nih cun a chim. Cu pin ah an i then nak kong an zumh khawh lo mi hna kong ah Nikki Bella nih zeitik hmanh ah i ti ter nak men men ah thennak a tuah lo nak kong le hi bantuk in an zumh lo mi hna hi a lung a fah tuk nak kha a chim.


Ref:Lwinpyin