Selena Gomez Ban Tuk In Lungthin lei Dam Lo Nak A Ngeih Caah Ai Thlop Cuahmah Mi Justin Bieber

Vawlei cung hlasak thiam Justin Bieber cu lungthin lei dam lonak a ngeih caah a tu lio hi ai thlop cuahmah lio a si. A tu bantuk in a lung a rawh mi hi a nupi Hailey Baldwin he puai tuah ding kong he ai pehtlaih nak zeihmanh a um loh tiah theih a si. Hailey Baldwin he an i umh ruang ah si lo in a mah tein zei dek a ton mi thil pakhat khat a um. Kum 24 lawng a si rih mi Justin Bieber zoh tik ah a ba tuk mi a lawh kha hmuh asi.

Justin nih a ton mi hi zeidah a si timi fiang in theih a si lo nain a tu le tu a lung rawh lengmang kha hmuh a si. Justin nih “keimah caah cun mi va zumh hi a har ngai ngai, mi nih an ka nihsawh, cheukhat hna cu ka herh caan hmanh ah hin an um loh, thawng zamh tu hna zong nih keimah kong ah a that lo nak in an tial, Luhmuhyi (လူမႈေရး) lei he duhdawt nak (အခ်စ္ေရး) lei he kai palh nak tampi a um, cu ti kai palh mi ruang ah cun tampi harnak ka tuar ve.

 

Hailey hmanh hi zumh a har ngai ngai ” tiah a rak chim hi a si. Mah ti Justin nih a chim mi ruang ah hin zeitluk in dah a lungrawh tikha a lang ko. A mah zong nih a tu ban tuk in zawt nak a ngeih ai theih caah ai thlop nak hi a si, ka dam lai tiah zumh nak a ngeih caah a rauh hlan ah a dam colh ko lai. Nai nikhat ni ah khan Justin Bieber cu an church pastor Carl Lentz he lam an len kha theih a si. Cu ti lam an len ah cun Carl Lentz nih a liang in a kuh i, an pahnih mirh nawn tein an um. Justin Bieber nih hlawhtlinnak a hmuh hnu in mi va zumh ai harh nak a chim hi a si.