Zarh Khat Chung Ah Angelina Jolie le Brad Pitt Cu Voi Hnih Tiang Ai Tong Than

 Angelina Jolie le Brad Pitt hna cu nai zarh chung i voi hnih an i ton nak a ruang cu ngakchia zohkhenh (cawm) khawh nak ding ah a si. An pahnih in mah kong ah an buai nak hi kum hnih a si cang. An pahnih tein an fale an dawt hna ning hi cu uar an um ngai ngai. Mr&Mrs Smith timi zetkaa in an rak i duh hi a si i, an zetkaa bantuk tein a leng zong ah ai um mi hna an si. A luan cia zarh ah khan voikhat an i tong cang i, January 30 ah khan Los Angeles biaceihzung ah voikhat ton nak an ngei than.

An pahnih in mah biaceih zung ah cun suimalam 3 chung rau in an i ton hi a si i, cu ah cun ngakchia hna kong kha an ceih. “An pahnih in rian herh dang kong zong ah an i tong bal ko, a tu tan an i ton hi a voikhat nak a si loh. An pahnih an i ton can ah hin ngakchia kong le i then nak ding kong lawng an chim ” tiah thawngzamh zung pakhat nih a langhter. Angelina Jolie le Brad Pitt hna cu fanu/fapa paruk an ngei hna.

An fale hna cu Maddox(17) , Pax (15),Knox (10) hna hi pa an si. Shiloh(12), Vivienne (10),Zahara (14) hna hi an fanu le hna an si. Angelina Jolie le Brad Pitt hna cu kum 7 chung hmun khat ah an um ti hnu ah 2014 ah khan thitumh nak puai an tuah. Kum hnih an um ti hnu ah phungning tein an i then hi a si. A tu tiang fale cawn khen nak ding ah biaceih zung ah an tawlrel cuahmah lio a si ko rih. An i then ko nain sipuazi tu cu hmun khat te ah an tuah ti ko tiah theih a si.