Chin Mi Kan Pa A Si Mi Salai Bawi Lian Mang Nih A Lunglawmh Nak A langhter Ve Cang’

UNHCR nih Chin ralzam 2019 December thla dih hnu in kan in veng ti hna lai lo tiah an ti mi cu tuchun ah Geneva le Bangkok in kan in ven tthan hna lai tiah thawng thanh nak an tuah.
Hi kong he pehtlai in a re a thei mi vialte le rian fakpi in a ttuan tuhna vialte, dinlo in Bangkok, Kuala Lumpur, New Delhi, Geneva, London le Canberra I cozah le UN upa hna sin ah bia a va chimrel tu hna vial te cung ah si she;

A bik in bia k/an va chim khawh nak ca ding ah kutken “evidence document” a la tu le a khawm tu, mi hmuh lo nak ah a re a thei cemmi hna vialte cung ah lunglawmh nak le upat nak za kan chanh hna. UN le vawlei cung cozah hna hmai ah tehte umlo in ka lawng in va chim mi bia cu khing a nei lo.

Pathian nih kan herh lio can ah hawikawm ttha fimthiam nak lei in siseh, vawlei cung ramdang cozah lei thil ti khawh nak in siseh, siaherh zawnruah nak taktak he dawtu a kan pek I, kan hawikawm hna cung ah kan I lawm.

Hmailei vun pehzulh ding rian tampi a tang rih.

Tutan thil cang minih a fainter mi cu KAN MAH KAN KONG KAN MAH TE IN KAN I CHIM A HAU timi asi. Thla cam tu, thazaang chuah tu le re a thei mi vialte Pathian nih thlua in chuah ko hna she.

Zeizong vialte a tlam a tlin ter tu le hmailei zong ah hinak thluachuah tampi a kan chiah piak tu KHUAZING PATHIAN min thangtthat si ko she.


Credit: Salai Bawi Lian Mang