Hailey Baldwin Nih A Pasal Justin Bieber A Hnamh (Kiss) Chih Nak Video

Kum 25 asi mi vawlei cung hlasak thiam Justin Bieber nih a instagram ah a nupi kum 22 a si mi Hailey Baldwin he nuam ngai in an um ti nak video kha a rak tar. Video chung ah an nupa tein an i nuamh ngai kha hmuh a si. A tu lio ah Justin Bieber te nupa cu khual an tlawn lio a si i, a tu video a rak tar mi hi motor an i cit pah in an i thlak mi a lo.

Justin nih cun Hailey Baldwin cu rak ka kiss ta tiah a ti tik ah Hailey Baldwin nih heh tiah a hmai ah a hnamh chih len nak kha an video zoh nak in hmuh khawh a si. Hailey Baldwin bel te a ni chih ve ko nain a mithmai zoh tik ah ai nuam tuk mi a lo loh, a mui hmai a panh zar kho loh.

Justin Bieber le Hailey Baldwin i dawt ning dan hi a leng mi zoh nak in cun theih fian a har ngai nain an pahnih tein an i daw tak tak. Justin Bieber zong nih a fan tampi sin ah an i dawt nak kong a chim bantuk in a instagram zong ah a tar pah tawn. Pakhat le pakhat an i kal tak siang lai loh tiah an mah kong a hngal tu thawngla tu nih an chim.

 
Ref:MML