Har Nak Vialte Kal Tak In Nunning Thar He Nuam Tak In Khuachung Ah A Leng Mi Hlasak Thiam Justin Bieber

Justin Bieber le Hailey Baldwin i dawt ning dan cu theih fian a har ngai ngai. An i duh lo hlah maw ti ah le a si fawn loh. An i daw ngai ngai fawn ko. Ai thium cang mi an si nain an kar lak ah buai bai nak tete a um pah caah an i nuam kho tak tak loh. Cucaah Justin Bieber nih a instagram in a fan hna cu a lungum bia zong a ruah hna.

Mah tluk a rak i nuam kho lo mi Justin Bieber cu cacawn nilini ah khan nuam ngai in khuachung ah ai chawh kha hmuh a si. A hlan deuh ah ai nuamh lo nak kha van theih a si nain a tu tan tu cu ai nuam ngai ngai cang tikha theih a si. Justin Cu lung nuamh lo nak( depression) a ngeih caah a rak i thlop bal cang mi a si.

Nupi a thit hnu ah hi ti ai nuamh lo hi a si i, Justin kong hi theih fian a har ngai ngai mi a si. Asinain mah vial te har nak, nuamh lo nak vialte cu tei in thazang (nunning)thar he nuam ngai in khuachung ah a vah nak hmanthlak pawl hna cu kan rak langhter hna.