Miley Cyrus Nih Hmanthlak A Tar Mi Tang Ah A Darling Hlun Nick Jonas Nih A Rak Comment Ve

Vawlei cung hlasak thiam a si mi Miley Cyrus cu nai te ah pasal a ngeih kha theih cio asi. A tu lio ah Miley Cyrus cu a nuhpingngia lei rian a tuan a tlawm ngai ngai. Pasal a ngeih zong hi a ho hmanh nih rak theih a si loh, an puai hmanthlak a tar tik ah a fan hna le thawngla tu hna cu khuaruahhar ngai in an um. Minthang tampi hna hi a thli tein ai thium mi an um theo tawn.

Nick Jonas zong vawlei cung hlasak thiam pakhat a si ve. Amah zong India mintami Priyanka Chopra he ai um cang mi a si. An puai zong sunglawi taktak in an rak tuah. Nick Jonas le Miley Cyrus hi a hlan ah a rak i uar bal mi an si i, a tu tiang hawikom in ai kom mi hna an si rih.

Miley Cyrus nih a no deuh lio Jonas Brother angki ai hruk nak a hmanthlak kha a instagram ah a rak tar. Mah a tar mi a hmanthlak he ai pehtlai in Jonas nih Amazing tiah a rak comment bantuk in a nupi Chopra zong nih comment a rak tuah ve kha hmuh a si. An pahnih tein a rak i uar bal mi an si i a tu tiang ai tleihchan peng mi hna le ai kom peng rih mi hna zong an si.