Justin Bieber Nih Hailey Baldwin A Thit Mi Kong Ah A Ruahnak A Chim

Justin Bieber le Hailey Baldwin cu nikum September thla ah khan a thli tein ai thium mi hna an si. Nizan tihni te ah khan Justin Bieber nih an nu Hailey Baldwin caah duhdawt nak cabia (အခ်စ္ကဗ်ာ) a tial piak i a rak tar. Zeitluk in dah Hailey Baldwin nih ai lunghmuih lai tikha theih khawh a si ko. A tu zong ah Justin Bieber nih Hailey Baldwin snap a thlak mi kha a instagram ah a rak tar than.

A hmanthlak ah cun a mah he kan i um mi hi a hman ko tiah a rak chim chih. Justin Bieber le Hailey Baldwin cu kum 2009, October thla ah Hailey Baldwin pa Stephen Baldwin Show puai ah Justin Bieber hi a rak sawm ve caah a hmasa bik an rak i ton hi a si. Ai um ding an rak si ve caah an rak i ton nak zong a si lai cu, Mah October 12, lio ah cun Stephen Baldwin nih cun Justin Bieber cu “mah hi hi ka fanu Hailey Baldwin a si” tiah theihter nak a rak tuah hna.

Mah lio ah cun Justin Bieber hi kum 15 a rak si i, Hailey Baldwin hi kum 12 a rak si. Mah cu an rak i ton hmasa bik a si, a tu ah cun pakhat le pakhat ai daw i, nuam tein innchungkhar a ser ti mi hna an si cang.