Nupi Dawt A Thiam Tuk Mi Pasal Si Nak A Langhter Tu Cawlcangh Nak (Or) Sining Hna

Nu le va hna hi zeiruang ah dah an i then lengmang ti a si ah cun pakhat le pakhat an i upat lo ruang ah le an i theihthiam lo ruang ah a si ko.Caan a van rauh deuh tik ah pakhat nih a tuah khawh mi thil hme te kha i upat piak an philh theo tawn.Pakhat le pakhat cung i lawmh nak bia chim nak zong nih i pehtleih nak a that ter deuh ngai ngai.Na pasal that lo nak le tlam tlin lo nak kawl nak in a that nak tete le na cung ah dawt nak a ngeih nak tete kha hmuh piak hmasa deuh.A tang lei i kan rak langhter mi pawl hna hi na pasal nih na cung ah a tuah si ah cun mi dawt a thiam tuk mi pasal a ngei mi na si.

1.Na cung ah zumh nak a ngei
Na cung ah zumh nak a ngei mi na pasal nih zeitik hmanh ah na cawlcangh nak pawl ah ai thlak tuk lai lo pin ah lung hrinh bu zong in an chawn bia lai loh.

2.Nan cung ah titsa a ngei
Na cung ah zei hmanh thuh mi a ngei lai loh.A nun nak he ai pehtlai in a zeipaoh theih dih nak nawl na ngeih bantuk in a kong lam na theih dih lai.

3.Na duh mi thil/ei din phun kha a theih dih lai
Zei bantuk ti rawl phun dah na duh kha a theih, na zoh duh phun zuksin zetkaa zong a theih lai i,nangmah huam phun a si mi hna kha an theihthiam piak .

4.Nangmah pumpak caan hman caan an pek
Na hawi le hna he len ti na duh ah le pakhat khat tuah nan i timh mi a um caan ah an theihthiam piak lai.

5.A tlamtling/tha chin lengmang mi na si nak hnga ding ah an bawmh
Na lung rawh tuk caan i nangmah le nangmah a chan bau tuk mi ah nai hmuh kha a duh lai loh.Na thazang a der caan ah zumh nak le ralthat nak na van ngeih khawh than nak hnga kha an bawmh lai.

6.Na khansachiat(ခံစားခ်က္) pawl kha a upat
Thil pakhat khat na hmuh ning dan hna le na khansa mi pawl hna kha an ruah chih piak lai

7.Nai harh tuk mi nunning hna kha a fawi deuh khawh nak hnga an tuah piak
Na ton mi har nak pawl hna kha an tawlrel piak pin ah mah har nak na tei khawh nak hnga ai zuam .

8.A biapi tuk mi ni le caan hna kha an theih piak
Na caah a biapi tuk mi ni le caan hna kha ai cin ken i thil phun dang tein an timh lamh piak

9.Inn rian hna an bawmh
Kheng tawl le nau umh hna kha nangmah fial hau lo tein an bawmh.

10.Na ngeihchiat caan ah na pawng tein tha zang an pek
Na ngeihchiat kha a zoh khawh lo caah nai nuamh than nak ding ah zeipaoh an tuah piak.
Ref:SM