A Hmui Tak Tak Mi Ungthei Hnuk Le Ngaikuang Meh (Curry) Chum Hna U Sih

Tisik anhnah tampi cawh in chum mi meh cu meh dang zei hmanh herh ti lo in kheng zeizat kan ei ti zong kan i theih lo tiang khin a thawt. A tu cu phunkhat te lawng in meh thawt ngai mi ungtheih hnuk le ngaikuang meh chumning te hi theih theih ter ka duh ve hna. Mah meh cu voidang na ei ton mi bantuk a si lai lo i phun dang tein a thawt ngai mi si.

Mah meh na chum lio a herh mi thilrit hna cu a tanglei hi ka van langhter lai.
1. Ngai kuang
2. Vankawng
3. piat (onion)
4. Khazianchinti /kawlhang
5. Bungbawk
6. Ai thing
7. curry powder
8. Aihre
9. Nannan
10. Cini
11. Ngan-pia-yi
12. cite le
13. thing makphek dip ( nga yoke kaung hmoeh) hna an si.
A pakhat nak ah ngaikuang kha thiang tein na tawl a lu le a hawng kha na kheh lai. Cun bel chung ah na so lai i na tlawk tter lai. Aa tlawk hnu tlawm pal ah ngaikuang kha na chuak lai. A hang kha cite le thing makphek ( nga-yoke-kawng) dip kha na peh chih lai i minutes 10 chung na so hnuah na cawi than lai. Cun mah na so mi hang kha ti hang ah din khawh a si.

Uhkang kha mei cungah na khinh lai i citi a lin ah cun vankawng le piat kha a rimhmui tiang na kio lai. Cun khazianchiti le aithing kha na peih lai i minute pakhat te na cawlh lai. Cun Ngaikuang hang, ungthei hnuk, Ai hre tlawmpal le curry powder tlawmpal kha na peh chih lai i a tlawk tiang na chum lai.

Cun a so lai a khazianchiti, Ngan-pia-Yi Tlawmpal le Cite tlawmpal na peh lai a so cang ah cun Nannan kha na peh chih lai i na khuh than lai. Mah vialte na tuah dih ah cun a thawt tak tak mi Ngaikuang le Ungtheihnuk meh pakhat cu bu he thawt tein na ei khawh a si cang.