Kan Theih Hrim Hrim Awk A Si Mi Monkeypox Ti Mi Takbo Zawtnak Phun

Tu kar hrawng online chung ah ceih ngai mi le tih nung ngai mi zawtnak cu (Monkeypox) an ti mi takbo zawtnak hi a si. Mah (Monkeypox) takbo zawtnak hi a um set sai lo mi zawtnak a si i saram hna sin in mi nung lei ah chawnh khawh mi ( virus zawtnak rungrul) pakhat a si.

A tu tiang hi Monkeypox takbo khamhnak sii (vaccine) a um ri lo ti si. Mah Monkeypox rungrul zawtnak he pehtlai in kan theih hngalh ding mi cu a tang lei pawl hi an si lai.

I chawnh khawh mi a si maw? Phan ding um maw? Monkeypox takbo zawtnak cu a um setsai lo mi zawtnak a si i a bik in Africa ram ah a um mi zawtnak a si. Zu rap, Thiahlei, Zaawng le a dang saram hna he ai naih tuk mi minung hna nih fawi te in chanh khawh a si. (World Health Organization-WHO) bu hna nih an chimh mi cu zawtnak a ngeih mi saram hna i an thi kha minung chungin a chuahk mi (ti) a si lo ah minung chung i a hnai a chuak mi hma in i chawnh khawh a si.

Asinain mi nung pakhat le pakhat cu fawi tein i chawnh khawh a i lo an ti. Zawtnak a ngeih mi he sau lak in hmaitonh in bia i chawnh ah cun i chawnh khawh a si thiam thiam ti si. Monkeypox takbo zawtnak i hmelhchunh nak hna cu raifenh, taksa fah nak; lu fak, takbo le thadih hna hi an si. Rai nih a fenh hnuah ni 3/4 tiang khin taksa titsa chungah sen takbo a chuak lai ti si.

Monkeypox takbo zawt nak hi minung 10% ah 1% lawng hi an thi. Monkeypox takbo zawtnak cu kum1970 kum ah (Mongo Democratic)an ti mi ram ah an hmuh hmasa i a hnuah Africa ram ah le kum 2013 ah America ram um state pa 5 zong ah an rak hmuh ve. Kum 2018 ah khan Sigapore ram zong ah a phan ve i Singapore ram ah a rak tlawng mi Nigiria pa sin in an hmuh tiah (World Health Organization WHO) group nih a an chimh.