Kum No Tukin Pasal Ngeih Le Fa Pawi Hi A Rak Tha Hrim Lo

kum no tukin naupawi le nau ngeih nih hin thatlonak tampi a chuah pi i, hringtu nu ca lawng silo in, naute(bawhte) ca zongah thatlonak tampi arak um.
nu kum 18 tanglei nih nau an pawi ah cun naute caah tihnung ngai a rak si. pum tlamtlinglo in hrin a awl pinah thang kholo in an um tawn i, nghakchia dang he cuaithlai tikah a let in an zang deuh fawn tiah hlatthlainak tuahtu hna nih an chim. Hi bantuk in hrinkhohnak hi 11% in Kum 20 cunglei naupawi mi nakin a tam deuh. International Food Policy Research Institute i tuanmi Samuel Scott nih cun “Hringtu nu ca cawnnak lei, a sinak le a rihnak(weight) nih hin naute caah thathnemnak tampi arak um, naute thang kholo le rihnak(weight) zangtuk mi hna zong khi  hringtunu kum tlinglomi asi ruang deuh asi tiah a chim fawn.


Report nih a chim ning ah cun naute ngandamnak a that khawhnak ngha le tha tein a than khawhnak dingah cun tuantuk in Pasal ngeih hi kan doh hrim hrim a herh cang. Policy thate in kan suai i, mah ning cun kan kalpi zong aherh fawn tiah an langhter chap. Hringtunu kum tling le kum tlinglo an fa le hlatthlainak an tuah tikah kum no tukin va a ngeihmi fa le hna cu caa an thiamlo i, an retheih deuh pinah an rihnak zong a zawr deuh fawn.
kum 2015-16 karlak i pasal ngeimi dihlak in, 27% hna cu kum 18 an tlin hlanah pasal ngeimi an si, mah kum chung lawngah hin nu 4.5 million hna nih nau an pawi tiah india ram i research an tuah mi nih langhter.