MNA Vanlawng Mawnghtu U Myat Moe Aung Cu Khualtawng Mi Hna Nih Upat Peknak Puai An Tuah Piak Lai

MNA vanlawng cu a hmai lei ke a tha lo nain vawlei ah him tein a tum ter hna caah khualtlawng pawl nih upat pek nak puai tuah piak dingin timhtuah nak an ngei. Cu cu May 14 ah khan thongpang fiang ternak an tuah.

May14 ah vanlawng khualtlawng mi hna lak ah Myanmar national lake in U Myat Moe Kyaw telh chih in lemcang Nay Min le Lemcang Situ Mg hna nih upat peknak puai tuah piak dingin News ah fiangter nak an tuah cang.

Cu vanlawng mawngh tu le tuanvo ngeitu hna upat pek nak puai cu (Myanmar National Lake) le lemcang Nay Min le lemcang Situ Mg hna nih a ra lai mi May thla ni 19 zanlei sang ah Novotel Hotel ah tuah ti dingin timhtuah nak kan ngei cang tiah vanlawng khualtlawng ah ai tel chih ve mi Myanmar national lake in U Myat Moe Kyaw nih Duwun ah a chim.

“Mah ca lawng ruah hin lo tein tuanvo ka ngei ti mi lungput he zawn ruahnak, dawtnak le ahman mi bia khiahnak a tuah tu vanlawng manwghtu pa U Myat Moe Aung le tuanvo ngei tu hna cu kan cung ah tthil ttha a tuah mi an si caah an cungah lawmhnak langhter kan duh ve. Mah lio i ai tel mi khualtlawng vialte kan sawm ve hna lai i an huam ah cun i tel khawh a si ve ko” tiah U Myat Moe Kyaw nih a chim.

May 12 zinglei ah Yangon in Mandalay ah a kal mi Myanmar National Airline vanlawng cu Mandalay Air Port ah a tum lio hmailei ke a chuah kho lo caah vanlawng mawngh tu pa thiamnak thawngin khualtlawng pawl him tein an rak tum khawh tiah kan theih.

Mah vanlawng ah cun Vanlawng mawngh tu le tuanvo ngeitu pa 7, ramchung khualtlawng mi minung 72 hna le a dang khualtlawng tu pa 8 hna zong an i tel tiah thei a si.