Pathian ni kan fir lo

Rev. Hoi Cung Tum nih Mother’s tibantuk Pathian ni Sunday ah kan hman hi Bawipa ni kan fir a ti.

Pathian ni hi Sunday lawng a si lo, kan inn chung zongah Pathian dawt khawh a si ko, hihi cu amah Rev. Hoi CUng Tum a pomning sawhsawh a si. Khrihfa nih Khrismas te hna kumthar te , Tho te hna kan tuah tikah Pathian sinah pei lawmhnak kan tuah i Amah Pathian pei kan thangtthat tthiamtthiam ko cu. Hihi cu ka pom kho lo. Bawipa nih hi Sunday lawng a si lo, Monday to Sunday a si ko.

Minung hi taksa in hi vawlei ah kan tlongleng rih timi ruah a herh! Thlarau pum kan si rih lo. Nulepa, chungkhat cingla rualchan le mi sifaak dawt cu pei Jesuh dawt cu a si fom cu, Jesuh cu dawt a herh lo a rumtuk, zeizong a tuah khawhdih, kan zumh i a nawl kan ngaih kha a biapi. Nule Ni ah Pathian tthiamtthiam kan thangtthat ko. Pathian nih Nule a dawt hna nak kong kha lawmhbia kan chim. Pathian zong aa lawm lai.

Biachim a thiam caah mipi lung a laak i si, ruah ciammanm ahcun a si kho lo, aa palh cikcek, Vawleicung zumtu 90% nih an pom lai lo. Amah ruahnak le hmuhning lawng a si.

A tang i Rev. F. Za Thang tialmi hi rel law Rev. Hoi Cung Tum chimmi he cuaithlai tti.

Nule Ni ka hmuh ve ning;
===================

F. Za Thang.

Atu lio fb vun kau ah Nule Ni hmanthlak phunphun siseh lawmhnak biathlum karlak te ah “Bawipa Ni nan fir” tiah fir a kan puhtu lei bia zong kan hmuh.
Minung hi chuah ni ngei lo kan um lo. Ka chuah ni, kum cuzat ka tlin ni kan timi khi tah! Lawmhnak le Thlacamnak kan tuah tik ah Bawipa Pathian philh in chuah ni lawmhnak a tuahtu minung tiang lawng ah kan taang bal maw? A dangdang kan i thitum ni camtuak ee, Degree ka lak ni ee, kan fale camipuai awn ni ee tiin a phunphun kanmah pumpak ni bantukin kan chim nain a taktak cu Bawipa Pathian sin ah kan i lawmh khi a si cio.

Cu caah, “Hringtu Nule Ni” hi Khrihfa kan si caah zarhpi ni Biakinn i kan tuahmi hi soisel dohkalhtu an um zong ah na ralchia hlah, na ningzak hlah, Bawipa ni kan fir tiah ruat hlah, Kan bia le hla vialte khi Bible chung ah a ummi nule dawt upat tihzahnak lawngte a si caah kan i palh tiah maw ruat lai cih. Sianginn a kai lo mi nih camipuai phit ni ah i thawh khawh a si lo, Kum khat chung ni fatin Lo a thlo lo mi nih a theifang zuun ni a ngeih ve lo bantukin, Ni fatin nule cung ah dawtnak upat tihzahnak kan ngeih lo ahcun Nule Ni hi na sunlawi ter kho lai lo.

“ Ka chuah ni “ kan ti nain kan thlacam lawmhnak cu Pathian sin a si bantukin, “Nule Ni” kan ti tikah Pathian ni kan fir i nule tiang lawng si lo in Pathian nih nule a dawt hna nak le Amah Pathian sin a phanmi lawmh thlacam biachimnak a si ko tiah lungawtawm lo tein kei cu hmai kum Nule Ni zong Biakinn ah sunglawi tein kan khrihfabu ka hmanpi rih ko hna lai tiah ka hmuhning a si.
Credit: Joel VB Lian