Shwe Nuva Pahnih Hna Nih A Hlu An Pek Nak Ah Ruah lo Piin Mi Tlau Pakhat An Hmuh

May ni 6 ah Shwe Htoo le Shwe Hmone Yati te nu va hna nih um nak a ngei lo mi pawl hna kha rawl, ihphahkhuh, chantling le phaisa an hlut hna. Shwe Htoo le Shwe Hmone Yati hna thil an hlut nak video file cu mi 100,000 leng hna nih zoh a si i cu lio ah thawngtha pakhat a rak chuak. Cu thawngtha cu a luan cia kum 6 chung lung zawt nak in a rak tlau cang mi pakhat cu ruah lo piin a chungkhar hna nih mah video file in an rak hmuh.

Mah a tlau mi pa cu a luan cia mi kum 10 chung ah khan a nu pi he ai then mi a si i zu a ding tuk caah lung zawtnak a ngeih mi a si. Mah pa cu a luan cia kum 6 hrawng ah khan Yangon ii mi thi a vui mi motor a zulh i mah hnu cun a chung le he petlaih nak a ngei ti lo.

A chungle nih tuanvo ngei tu hna sinah hlathlai nak an rak tuah len ko nain thongpang zeihmanh an theih lo caah ni hin tiang an rak kawl peng mi pa a si. Asinain van that ah Shwe Htoo le Shwe Hmoe Yati hna i zanlei a hlu peknak puai video file ah cun a chungle nih mah mi pa cu an vun hmuh. Mi tlua pa i a U nih cun ai zei ka nau bak a si ko hi tha tein kai chinchiah ri ko a der zonh a der i a sam zong a sau ngai cang hi teh” tiah a u nih mi pi sin ah a phuang.

A tanglei i kan hmuh mi Shwe Htoo le Shwe Hmone Yati hna i a hlu peknak video file hi a thlau mipa hmanthlak kha Screenshot in an thlak than mi a si. Mah pa hi a um nak tha tein an theih ri lo i lam kam ah kum sau pi a tlau mi a si. Mi pi zong nih mah mi pa hi lampi ah nan hmuh sual a si ah cun a U Phone (09428169345/09977875319) ah contact tuah khawh a si.