Europe ram ten economic lamah Iran an hrek anih vaih chuan a sawhkhawh an tuar nghal ang

Iran nuclear program chungchang a international accord an siam tawh palzut in, Iran nen a economic lam inlaichinna/thawhdunna an siam hi pangai tak leh thatakin Europian ram hian an kalpui duhlo anih chuan a sawhkhawh an tuar ang tiin Iran foreign minister mohammed javid zarif chuan pathianni khan European ram te a vo hlawm. Iran Foreign Minister hian sawi zui in Iran Economic thatak leh pangai taka kal zel theihna turin Iran Nuclear Deal a signature petu European leh ram dang te hian an tih tur diktak an ti theuh tur ani a ti bawk. Mang ang au rawl a ang tep.


Iran hian chiangtakin engtiang chiah in heng ram te hi a thungrulh dawn tih a sawi lang lo a, mahse ni 60 chhung hun pe in dead line a siam sak bawk.
kum 2015 daih a an lo siam tawh iran nuclear deal ah hian khawvel ram lian paruk ten hming an sign a. Chung ram te chu China, Russia, USA, UK, France leh Germany te an ni a, nikum khan USA chuan he nuclear deal hi duhloin a chhuahsan a, natakin a hrek zui nghal bawk ani. China leh Russia te hi Iran thurualpui ram te an ni a, Ram dang pathum te erawh chuan iran missile system kalpui dan hi duh loin an sawisel a, chhuanlam fahrah te te siamin inremna an neih ang hian hma an la tha vaklo a ni.


Hetihlai hian 75th anniversary D-Day hmang a France ram a cham mek President Trump chuan Iran chungchang sawi in, inbiakna neih pui an duh phawt chuan ka in peih reng ani, mahse thil pakhat erawh chu nuclear ralthuam hi an neithei lo ang tiin a ngaihdan tlang tak in a sawi.