German serial killer bawnra ber tia an sawi Nils Hoegel chuan ngenna a theh lut

Indopui pahnihna hnulam a German ramchhunga Serial Killer bonra ber tia an sawi thin mi 85 zet thattu Nils Hoegel kum 42 chuan damchhung lunginn tang tur a chungthu rel an rel sak na lak atangin “ngenna” a thehlut niin nimin khan District Court chuan a sawi. Former nurse Nils Hoegel hi kar hmasa khan damlote, Lethel injection hmanga that thintu tiin Court chuan thiamloh a chantir in, damchhung tang turin a chungthu a rel sak ani.

Heng damlo a thah te hi kum 34-96 inkar ni hlawm in, kum 2000-2005 chhung a chiu hlum te an ni. Oldenburg court a thusawitu Pakhat Melanie Bitter chuan Defendant ten ngenna hi an theh lut a ni tiin, chipchiar takin eng thu mah a tarlang lo.


Kar hmasa thursday khan court chuan thuthlukna siam in mi 91 zet thattu ani tiin official takin a nemnghet a, hei hi a chhan pawh a hmain Hoegel hi mi parut zet thattu tiin thiamloh chantir a lo nih tawh vang ani . Hetihlai hian Police lam chuan mi 200 chuang zet a thah an ring thung.
Tualthattu hi kum 2005 khan Delmonhorst khawpui a, damdawiin pakhat a nurse hna a thawh lai in, damlo pakhat khuma mu lai chu damdawi diklo hmangina chiu a, a chiu lai hi man niin kum 2008 khan kum 7 chhung lunginn tang turin a chungthu rel sak ani.
Judge Sebestian Buehrmann chuan thutlukna an siam a sawi naah Hoegel sualna hi mihring ngaihtuahna/ngaihruatna piahlam daih niin a rapthlak tak zet ani a ti bawk..