Iran foreign minister Mr. Zarif hian vawitam dawt muhlum a sawi tawh – Netanyahu

Iran foreign minister Mohammad Javad Zarif an ” Israel Leader in kan ram tihchhiat vek tumin min vo reng a, he thil hi Iran chuan a ngaithutak hle a, a chhang let ngei dawn ani tia a sawi chu, PM Benjamin Netanyahu chuan natak a chhanglet nghal in ” Mr zarif hi mi dawthei leh pamham tak niin  dawt a sawi leh ta. mi zawng zawng hriat a mi vau thintu chu a mah hi ani. Iran sawrkar hian israel hi nitin mai hian a bei a, vau na thu a chhak chhuak thin bawk ani” ati.


Netanyahua’n a sawi zel danin Iran hian Syria ramchhungah sipai chakna din a tum a, vawiin pawh kan hriat theuh ang in nuclear programme a kalpui mup mup reng ani. Iran in Nuclear ralthuam a neih hi engti kawng mah in kan remti lo tih hi ka sawi leh duh a. He thil hi kan tan chuan thil hlauhawm tawp khawh a nih mai piahlamah khawvel tan pawh a hlauhawm hle ani a ti bawk.
German Foreign Minister Heiko maas nen a press conferance an neihna ah Zarif chuan ” an nuclear ralthuam bulah ding meuh in Netanyahu chuan Iran a vau a, Iran hi kan ti chhe vek tur ani a ti bawk…. he thil hi kan la na hle a, eng ram mah hian chhanglet na hmulo in, kan mi leh sa te hi an khawih tur a nilo” tiin Nimin khan a sawi.


Israel hnam ti chimit tur leh israel ram nuai bo tur hian Iran sawrkar hian kawng tamtak in hma a la reng a, Gaza, West bank leh Lebanon a Israel dotu Terrorist te chu sum leh ralthuam hmang in a tanpui reng a ni. Iran supreme leader Ayatollah Ali khamenei pawh in Israel hi kan ram tan cancer natna hlauhawm tak ang a ni a, kan nuai bo hmak tur ani, he thil ti tur hian plan mumal tak kan siam tawh bawk tiin a sawi lang.