President Xi Jinping leh PM Modi te chuan inbiakna an nei dawn

Shanghai Coorperation Organisation (SCO) summit chu june ni 13-14 hian Bishkek, Kyrgyzsatan hmuna neih tura ruahman a ni. Summit hi Chinese President Xi Jingping pawhin hman pui dawn in, he hun denchhen hian Prime Minister Modi nen in hmuin ram pahnih te insumdawntawnna leh thawhdunna tha zawk an neih theihna turin inbiakna an nei dawn niin an tarlang. Hetihlai hian General Election a BJP kaihhruai ten sawrkar an siam hnu a ram pahnih hruaitute in hmuh vawikhat na tur niin an tarlang bawk.


SCO hi China kaihhruaina hnuaiah ram pariat ten an din a ni a, he pawl in a tum ber chu member ramte Economic leh Security lam a inpuih tawn leh thawhdunna tha siam ani. India leh Pakistan pawh  kum 2017 khan member   atan lakluh an lo ni tawh ani.
Nikum lam a ram pahnih hruaitu ten Wuhan hmun a in biakna an neih khan rah tha chhuah in, a hlawhtling hle niin an sawi a, tun a inbiakna awm leh tur pawh hian hlawhna tamtak a ken tel kan ring ani tiin Indian Ambassador to China Vikram Misri chuan a tarlang. Wuhan summit an neih avang khan ram pahnih te inkarah in laichinna tha an siam nasa hle a, ralthuam leh sipai lam thleng pawh in thawhdunna tha an siam ani.


Nikum December thla khan PM MODI chuan president Xi hi Argentina a G-20 summit an neih tumin a lo hmu tawh bawk a, he hunah hian ram pahnihte inkara inrintawnna leh in thianthatna neih a tul ziah an sawi nasa hle niin an tarlang ani. thla hmasa inthlanna a BJP ten hnehna an chan pawh khan president Xi chuan PM modi hnenah thinlung tak a lawmpui thu a thawn ani.