Vawiin ah BJP worker leh Police inkarah Buaina nasatak a chhuak

BJP party ten inthlan zawh tawh hnu a party worker leh supporterte tharum hmang a beih an nih chu ngaithiam theilo in vawiin khan kolkata khawpui ah lungawilona lantirin rally an buaisaih a. He hun an hmang lai hian BJP worker leh police inkarah buaina nasatak a chhuak niin media ten an tarlang. police te nena inbeihna chhuakah hian BJP party leader Mukul Roy leh SS Ahluwalia te chuan hliam an tuar niin an tarlang baawk.
Lungawilona lantirtu BJP worker leh activist te hi Bowbazar hmun an kal laiin police lam hian tear gas leh tui hmangin heng ho hi hnawhdarh an tum a, party worker ho thinrim chuan chhang let nghalin Lung, Bottle leh thil dang hmangin police ho hi an bei let a, police officer pakat pawh a hliam niin an tarlang a ni.


Party worker thenkhat te chuan buina chhuahna hmunah hian sit-in demonstration an nei nghal a, chutihlaiin thenkhat thung chuan police te chet dan hi ngaithiam theilo in kolkata police headquaters, Lalbazar a awm chu an pan nghal a ni. Police headquater lam a kal zingah hian BJP MP 18 thlan thar pawh an tel a, heng bakah hian state BJP president Dilip Ghosh, Bengal BJP minder Kialash Vijayvargiya leh Senoir party leader Mukul Roy te pawh in an zawm hlawm bawk ani.


Hmanni lawk a MP election neih zawk takah khan BJP party chuan seat 42 atangin seat 18 zet an la thei a, inthlan lai leh inthlan zawk hnu lawk hian BJP te chungah tharum thawhna nasatak a chhuak zui bawk ani.