Australia citizen soknak kongah thei a herh bak mi thawngpang

Chin miphun Australia ram ah milu tampi hun phan cio asi cang. Hi hnu zongin Malaysia le India ram lei in tampi an hun phan chap cio te hna lai. A luan cia kum in Australia cozah nih an ram mi sinak Citizenship a sok mi pawl hna tampi pending in a chia piak dih hna. A ruang cu Australia cozah nih an hal mi hna evident documents tampi ruangah a si.

Hi Australia ram sinak ( Citizenship) soknak kong he pehtlaih in Department of Home Affairs, Citizenship and Immigration Section lei in ttuanvo ngeitu pawl hna nih an chim ning ahcun ramdang miphun pawl nih Australia rammi sinak ( citizen) a sok mi vialte hna lakah Chin miphun hi milu nan tam bik lai kan zumh tiah an chim.

Australia cozah nih an rammi (citizen) si dingin minung pakhat cohlannak a tuah duh hna tikah a herh mi ( teh-te) approve tuah a hau mi tampi a ngeih ve. Ralzaam chungkhar si ahcun Inn-Thawn-sut-sa-zin ( Household register) le Hmatpungttin ( National ID Card) hi cu hal peng nan si lai. Hi pahnih a ngeih lo mi caah lairam nan khrifabu hna sinah theipinak ca (recommendation letter) hi Nu or Pa hi kan khrifabu member dik tak arak si bal ko timi tal cu chuahpi nan i zuam a hau.

Hi kong he pehtlaih in Australia cozah nih Orginal thengte an i hal hna lai lo. Mah belte xerox or scan copy tal in submit nan tuah kho ahcun rianrang deuh in Australia rammi sinak pek awk tlak dingin nan case an i zoh piak kho hna lai.