Dawtnak in a khatmi chungkhar cu an hninghno i Pathian nih thluachuah a pek hna

Ruah Chuk Cho [ Inchungkhar Dawtnak 

US ummi chungkhar nuva hna nih a tanglei ka tialmi hi thil hmete an si nain inchungkhar dawtnak caah thil biapi ngaimi an si. Kan theih mi lawngte a si nain tuah kan i tim lo i, tuah zong kan zuam lo. Tuah rak i zuam hmanh nan inchungkhar ah dawtnak chaptu a si hrimhrim lai tiah zumhnak ka ngei.

1. Pakhat le pakhat dawtnak tein i upat le i chonh ding. 
2. Na nupi/va kha nangmah na dawt bantuk tein dawt ding.
3. Na nupi/va nih rawl a chuan ahcun nang nih kheng ttawl ding.
4. Na nupi/ va nih thil a suk ahcun nang nih thil bil piak ding. 
5. Na nupi/va rian in inn a phak lai ah rawl rak lum piak ding. 
6. Na nupi/va nih fale zinglei a thlah ahcun zanlei ah nang nih don ding. 
7. Nu le va karlak ah nu rian, pa rian timi lungput ngeih lo dong, A manh mi poah nih a herhmi poah tuah ding. 
8. Nupi le va le riantuan lio ah internet computer sau tuk zoh lo ding. 
9. Nupi le va um lio ah midang phone sau tuk chonh lo dong. 
10. Nan Inchungkhar kha biapi bik number one ah chiah peng ding.
11. Zarh khat ah voi khat tal asiloah zarh hnih voikhat tal na chungkhar kha restaurant ah rawl ei pi ding. 
12. Nupi le va le hngalh loin midang phaisa pek lo, kuat lo ding le hman lo ding. 
13. Zartkhat voikhat tal innchungkhar thlacamnak ngeih hrimhrim ding.

A tampi nain a cunglei phun 12 nan tuah ahcun nan inchungkhar ah dawtnak a kharh hrimhrim lai.

Inchungkhar i dawtnak a um lawngah zei poah a nuam i, zei poah a tluang, inchungkhar i dawtnak a um lo ahcun zeizong vialte an ro, an car. Dawtnak in a khatmi chungkhar cu an hninghno i Pathian nih thluachuah a pek hna.

Credit: Salai Lairamthang FB