International Student Visa in Australia ram ah Nupi or Pasal an ngeih ahcun Thil Fawi asi lai lo

Vawlei cung ram kip nih upadi an ngeih cia dih. Kawlram zong nih a ngeih ve. Cu bantuk ram pakhat nih a ngeih mi Upadi pawl hna cu minung pakhat a si mi nih zei rel lo sual in upadi ninglo piin an i cawlcang or thil an tuah ahcun Upadi he an i ton lai ti a si.

Ram pakhat nih a ngeih mi Upadi hna  hi ka thei lo tiah ti men ding an si lo. Tha tein thil fiang tein thei i zuam ve ding hrim hrim a herh. Cu caah Kawlram mi tampi Australia ram lei ah Student Visa in sianginn kai ah a kal cang mi pawl hna nih thei ve hrim hrim a herh.

Khualtlawng visa or Student visa ti bantuk in a kal mi pawl hna nih Nupi or Pasal Australia ram ah nan ngei sual cikcek asi ahcun Australia ram chungin khoika ram hman ah chuahnak nawl an i pek kho ti hna lai. An mah ram chung state lila hman nan kal kho lai lo.

A tlawmpal kum 3-4 hrawng khoika hman kal kho loin na um hnu lawngah PR sok khawhnak nawl an i pek kho men lai. Cun, Rian tuan zongah opportunity na ngah hlei lo. Dam le sianginn kai duh zongah zei hman an i bawm kho hlei lo. Kum 3-4 na um hnu i, PR na ngah hnu lawngah cu bantuk opportunity na ngah kho than te men lai.

Cun, thil harnak tete nan ton sual ahcun nan miphun hawi caah harnak le hnahnawhnak chuahpi tu nan si sual lai caah tutan Student visa in Australia ram a lut mi nih tha tein hi kong hi nan thei ve hrim hrim a herh ngai.