Ralzaam (Refugee) kong he pehtlaih in July 3-5 tiang Geneva ah UNHCR nih Annual NGO Consultations a tuah mi ah CHRO zong an itel kho ve

Vawlei cung refugee kong chin relnak ah a ngan bik mi UNHCR Annual NGO Consultation cu July 3-5 tianh ahkhan Geneva ah tlamtling tein an tuah kho cang. Hi UNHCR Annual NGO Consultations ahhin ralzaam kong he pehtlaih in rian a tuan mi hna Vawlei cung NGOs tampi pawl nih an mah le an rian cio he pehtlaih in ralzaam kong an hmuh ning an ruahnak pawl kong an chim rel nak a si.

UNHCR hi local NGOs pawl tello in rian a tuan kho mi a si hrim hrim lo. Cu caah hmailei ralzaam zohkhennak kong he pehtlaih in UNHCR nih zei tin dah Vawlei cung ralzaam pawl hna caah a fek mi rian ka tuan kho lai timi theih le tuan a duh caah atutang zong hi bantuk thil a tuah hi a si.

Tutan CHRO kan pa le hna zong UNHCR zungpi umnak Geneva ah UNHCR Annual NGO Consultations ah an i tel kho ve caah Malaysia le India Chin ralzaam calawng hman siloin ramchung Paletwa ram um ralzaam pawl hna catiang zong in thanak tampi an chuahpi hrimhrim ko lai. Pathian nih CHRO kan pale rian tuantu pawl hna hmailei an rian tuannak ah umpi lam hruai zungzal ko hna seh.