Thawngpang Tha: UNHCR nih Chin ralzaam resettlement a auh than cang hna

UNHCR nih Chin ralzaam resettlement a pek lo nak hna caan a sau ngai cang. A cheukhat caah cun resettlement program hi arak um tak tak ti rua lo tiin a ruah mi tampi um asi ve cang. Cu lio ah nihin UNHCR nih a thar in Chin ralzaam resettlement a auh thar mi hna an um caah lunglawm awk tak tak a si. Micheukhat Australia ram lei ah chungkhar auhtu a ngei lo mi ca hrim hrim ahcun UNHCR nih resettlement innka pi an vun onh cu i lawm ding tak tak a si ko.

UNHCR hi vawlei cung ralzaam bawmtu bu vialte hna lakah a ngan bik mi bu an si. Kan kawlram zong hi thalei nak in chianak lei deuh ah tam deuh cu um peng rih. Atu zong kawlram lei in mithar ralzaam an hung phan pah thluahmah ve.

Tutan ah UNHCR nih ralzaam sinah a bik in thawngthanhnak an tuah duh mi hi a biapi ngai ngai mi a si. A cheukhat ralzaam UNHCR nih thawngthanhnak a tuah mi zong a rel huam lo mi tampi rak um a si ve.

Abik in tutan zongah thei awk tha ngai a si mi cu UNHCR nih ralzaam sinah thawngtheiternak an tuah mi hi a si ” Nan refugee status, nan phone number, nan umnak address le a dang security issue kong he a pehtlaih mi pawl vialte Direct in UNHCR holhlehtu hna sinah nan chawn ti hna lai lo.

UNHCR nih phone chawn khawhnak an tuah mi phone mumbers, Ani le caan teah chawn khawh i zuam cio cang usih. UNHCR-India Contact tuah khawhnak;

Days: Monday, Thursday, le Friday ni hna lawng ahhin chawnbia khawh an si lai.

Timing: 3:00pm to 5:00pm

Contact: 9599229502/9599226639

UNHCR-India