Mipa Pakhat Nih Birthday Laksawng An Pek Mi Mawtaw Thar Te Tiva Ah A Hlonh (Video)

India ram nitlak lei Haryana ah Akash timi pa nih a chuah camtuak ah a nu le pa nih laksawng an cawk piak mi BMW mawtaw thar te cu tiva ah a hlonh. Mah ti a hlonh nak a ruang hi a duh mi Jaguars cawk piak lo in BMW tu an cawk piakcaah a thin hung i a hawi le he tiva ah an va thlak diam.

An cawk piakmi BMW hi 3.5 million rupees (£41,400; $49,000) hrawng a si i a duh mi Jaguars hi 5 million rupees (£58,000, $70,000) hrawng a si. A mawtaw cu tilai ah a vuan i tlawmpal hnu ah a hawi le le pawngkam mi i bawm in an va chuah than.

Palik lei biachimtu pakhat nih a chim ning ah mah tlangval pa nih a mawtaw ti ah a thlak lio cu video a thlak rih a ti. A video cu online ah an zamh cio i an soisel taktak, “nu le pa nih chimh hrin lo mi” “Lawmh ziah zong a thiam lo mi”