Buu khat le buu khat I fonh ahcun buu khat a si cang

Party pakhat a dir tikah policy an ser i cu policy nih cun hmuichon (target) a ngei. Cu hmuichon cu rian tuannak in tlamtlinter a hau. Hmuichon aa khat ko mi ziah kan lung aa rual lo? Sa vo phawt in thutdan hna kan i phawt? Lungrualnak hi feeling in kal pi kan timh hmasa lengmang caah a si. Feeling in lungrualnak kawl cu vawlei cung a hmunh chung a ngah lai lo. Zeicatiah a lam a si lo. Feeling cu a duh caan ah a ra. A duh caan ah a kir. A duh caan ah nga a sio. A duh caan ah sa a pel. A chel ah van a kai. A chel ah hell a tla. Maw Feeling zumhnak zangfak va si dah!

Kan pum chung (organs) thil hna hi anmah le rian cio an an tuan. Pakhat le pakhat an i hnor hna lo. Position asiloah title zong an i phaw zam lo. An rian cio tuan mi ahkhan an lung aa rual. Kan hmuichon mi kan hngalh i cu rian kan tuanmi nih kan ruahnak hmun khat ah a kan funtom i cu nih cun lungrualnak a chuah pi ding a si. United In Action First! Cu hmuichon ah a bia takmi mi nih cun position le title kha hmasa ah a chia bal lo.

Ramleng Chin refugee committee hna tampi a umnak le an lungrual lo nak cu position le title savo phawt in phawt an I timh peng caah a si. Ralzam vialte hmuichon (target) ai khat dih. Lam khat an zawh dih. Cu lam khat cawhnak hmun ahcun an ti khawh cio ningin tuan peng hna sehlaw, lam cawh ka rian timi an hmuichon nih an lungthin kha hmunkhat ah a funtom lai i an lung aa rual ko lai. Meeting kawh lengmang, feeling chim lengmang, hrilhfiah lengmang khan zei lungrualnak a phi hmanh a chuah pi kho lo.

Buu khat le buu khat I fonh ahcun buu khat a si cang. Nain Chin Party nih luu pathum an ngeih rih. Cucu feeling in maw an I phawt zam? Feeling in phawtzam mi a si ahcun VOTE FOR NLD!
Credit: Salai Tin Maung Win