Kan Khelmi Hmuh/ Co Awk AH Zei Dah Kan Tuah Hmasa Lai?(Part 1)

2020 Rampi thimnak ah Laimi dirhmun le ram chungmi sinak (citizenship) dirhmun in zei party dah kan vote lai ti hi vote thlatu poah nih ruah lo awk tha a si ti lo. Cu he pehtlai in party ttanh hleinak um lo tein keimah ka hmuhning te ttial ka duh ve. Careltu zong nih hi ca relnak thawngin vote peknak kong ah biathleh an bawmtu a si lai ti zong ka zumh. Laimi lakah tu lio kan buaipi cemmi party pahnih CNLD le NLD in biahram domh ka duh.

CNLD Chunmang le Federal System Uknak
==================================
A tawifiannak in chim ahcun CNLD nih Chin ram caah a khelmi cu Federal system kha a si ko. Federal system cu mah tein kan Chin state hi democracy phung ning in i uk ve, i hruai ve, pawcawm, dothlennak le uknak kongah si seh, fimcawnnak le tthanchonak lei phun kip ah miphun dang i thlak lo tein zalong tein khuakhan lairelnak ngei ve u sih law kan ram kan sersiam ning lohma a sawt deuh hrimhrim lai ti ruahchan in ram a khelmi Party an si. Federal zong hi Democracy phung a hman lo ahcun sau a hmun bal lo.

Miphun tampi i cawhnak ram ah cun Federal phung hman hi a ttha ko i Cenral Government ah vai peh tthiam khawh zong a si. Atu kan cozah hi Federal a haltu hna kha federal a pek hna hmanh ah Pyi-Daung-Suh- Kyi ah ipeh cio ding hi ai tinhmi a si. Hi hi ttih awk a si lem lo. CNLD belte nih hin an khelmi Federal hi Chin State caah a si ko caah Rawn um Chinmi dihlak tu cu a huap lai lo. Rawn um Chin miphun bel miphun dang he icawhnulh in um a si caah mah le umnak cio nih a herh dingmi zoh in Party vote a herh ve.
(Apeh um rih la)

Credit: Jehu Ukte