VAWLEI CUNG AH AN HMAN BIKMI UKNAK PHUN 3

1. AUTOCRACY

Minung pakhat nawlngeihnak in uk a si. Uktu hi mipi nih thimnak nawl an ngei lo. Thazaang le hriamnam in ram rak lak i dirhmi cozah phun a si. Uktu nih anmah an chan chung lawngah si loin a techin-fapar tiang uk peng a duhmi cozah an si. Ram cheukhat ahcun pa le fapa rovuih bantukin an techin-fapar tiang uktu sinak kha an i vuih. Adang ram cheukhat ahcun hruaitu (leaders) hna chungin uktu sinak a chawn in an i chawng. Sawisel ngam an si lo. Uktu zong sawsel an duh lo. An party zong sawisel an duh lo. Ttih an nung. Law nih nawl a ngei tuk lo. Uktu nih an chimmi bia poh kha phunglam (law) a si. Uktu report, taza cuai khawh a si lo. Siangpahrang nih a uk rihmi ram Saudi Arabia, the United Arab Emirates, Eswatini, Brunei, Oman le dictatorship nih an uk rihmi ram Turkmenistan, Eritrea, Belarus le North Korea ah an hman rihmi uknak a si. Ralkap uknak zong hi autocracy uknak chung ah ai tel ve.

2. ANOCRACY

Democracy (mipi thimmi cozah uknak) le autocracy (mi pakhat pumpaak uknak) a cawhmi ram an si. Mipi duhthimnak zeimawzat a pe ttung i mi pakhat pumpaak uknak (dictatorship) zong kha anocracy ram ti a si tthiam. Uktu cozah cu mipi nih thimnak nawl an ngei lo nain mipi nih kan duh hna seh tiah mipi kha zeimawzah cawlcangh khawhnak a pemi ram an si. Arab miphun lak ah hi uknak hi a rak tam. Egypt (Mobarak chan lio), Lybia, Yemen le adang 2012 hnu in a buaimi adang Arab ram vialte kha hi uknak hin an i hruai dih ngawt.

3. DEMOCRACY

Mipi atam u (majority of the people) nih an thimmi cozah nih a ukmi cozah an si. Uknak kong kha duhchungin chimrel khawh a si. Uktu president zong kha sualnak a ngeih ahcun taza cuai khawh, a rian in tthumh khawh a si. Thimnak an tuak tikah an party nih tuah an duhmi kha an thanh, cun an party ah uktu hruaitu president asi kho dingmi kha an thim i, mipi nih an party nih tuah ai timhmi le uktu pa ding asimi a felnak zoh in vote an peek hna.

MYANMAR

Kawlram he pehtlaiin autocracy in democracy ah kan kal lio a si. Asinain remh a herhmi phunglam tampi kan nei rih. Cucu daihnak he democracy 100% kan hmuh khawh nakhnga thimmi cozah nih an zuam lio a si. Tlangcung mihna hmunhma i kahdohnak a phunphun a chuakmi nih democracy ram 100% kan hmuh khawh nakhnga tampi a donh. Lam a kham.

Credit: Aung Myint Thang