A Nupi Hi Sayamah A Si Caah Hmundang Ah A Um Mi A Si I Sin um Nu Muidawh Ngai Pakhat He Cun An I Zoh Chih Hnu Tlawmpal Ah

A Nupi Hi Sayamah A Si Caah Hmundang Ah A Um Mi A Si I Sin um Nu Muidawh Ngai Pakhat He Cun An I Zoh Chih Hnu Tlawmpal Ah

A Nupi Hi Sayamah A Si Caah Hmundang Ah A Um Mi A Si, Sinum Nu Muidawh Ngai Pakhat He Cun

A nupi cu sayamah a si ve caah cunglei nawl ngeitu hna nih kal an ti nak khua paoh ah kal a hau mi a si. Cun hi hna nuva hi fa an ngeih ve lo caah a nupi um lo kar paoh ah hin cun chungkhar rian, zingzan ei-din ding hi a vapa nih amah te in chumh le chuan lengmang a herh caah rawl chum hi cu a poi tuk ah a ruat lo nain thil suk le inn thianh hi cu a her ngai a rak ti ve caah sinum nu pakhat a rak lak.

Tthal caan sianginn khar a hun si cang caah a nupi cu khuadang in a rak tlung I “Ka dawt, sinum na rak lak mi nu cu dahngai muidawh tuk pei a rak si hi” tiah a hun ti. A vapa nih cun “Muidawh a si le si lo hi ka ruat ve lo, thilsuk le rawl chumh a thiam ah cun a za ko ka ti caah amah hi ka lak mi a si ko” tiah a rak leh ve.A nupi “nangmah he teh nan thianghlim ko lo maw” tiah a hun hal than. A vapa “ kan thianghlim ko, kan karlak ah zeihmanh pehtlaih nak kan ngei lo” tiah a hun leh than. Inn pakhat ah nanmah pahnih te lawng nan um ko caah hin ka ti bia a si tiah a nupi nih cun a hun ti rih.

 

A vapa cu thinhang nawn in a hun um cang caah “zeidah na chim duh nak a si, zan ah amah room chung teah a it ve ko, keizong kan room chung teah ka it ve ko cu the” tiah bia hrang nawn in a hun leh. Okay..Okay… poi nak um lo tiah a hun leh ve than.Thlathum a hun tlin cang caah a nupi cu khuadang ah cun kal than ding a si cang, a thaizing cu zing khuan in kal ding cun a nupi cu an khua hauka tiang a va thlah. A nupi a kal hnu nit hum hrawng a si ah an sinum nu nih cun “ka pu meh kio nak uh-kaang kha a um ko, kapi nih maw a kalpi hnga, ca kuat hei tial law hal ca” tiah a hun ti.

 

Khuadang I a um mi a nupi sin ah cun cakuat pakhat a hun phan I “ka dawt mi kan nu, meh kio nak uh-kaang kha na kalpi ti cu kan ti hrimhrim lo, na kal ni bak khan a um ti lo caah na chiahnak hmun hma rak kan chim law ka duh ko” tiah a vapa nih cun a kut tial dawh ngai in cakuat pakhat a hun tial.A thaizing ah a nupi sin cun cakuat pakhat a rak ra than ve cawlh I “kanpa… na sinum nu he khan zaan ah hmunkhat te ah nan it tti peng ti cu kan ti ve hrimhrim lo, na sinum nu kha a room te ah a ih ko a si ah cun…uh-kang ah a ihkhun cung ah a um ko caah hmuh loin a um hnga lo” tiah a nupi nih cun cakuat a hun leh hi a si.stbr