Misual He Ton nak Konglam Vialte Cu Theih cikcek Asi Cang!__++

Misual He Ton nak Konglam Vialte Cu Theih cikcek Asi Cang

Misual mithah a hmangmi   hna caah second 7 lawng midang (Next Victim) kawl tthan dingah an herh tiah an ti tawn. Steve Kardian hi self defense expert cun Law Enforcement ah police officer, Detective, Chief investigator le FBI defensive tactics instructor a si. Amah Sianginn Defense University ahhin hibantuk mah pumsa misual hna lakin him khawhnak ding i cawnpiaknak Training cu nu 200,000 leng nih an rak hlawk pi cangmi sianginn a si.  A tanglei mah i pum i vennak tactic pawl hna hi a sianginn i a kai kho ve lomi caah, a cauk chung ta a herh deuh tiah an ruahmi pawl an langhtermi hna an si.

Misual caah cun aho hi dah ka tlaih lai i, ka hmuitin lai tihi minute 1 zong tuak a hau lo. Seconds tlawmpal te ah mah minu mipa umtuning le a lam kal in a theih khawh. Cucaah zeitindah kan umtu le kan lamkal hna hi  hibantuk misual mithah  hmangmi  pawl lak hin kan i ven lai.

Zaamnak Lam A um lo Tikah.

 Mi thah hmangpa  nih hin thil 2 ttih tak takmi a ngei. Cu hna cu amah tlaih khawh le amah faknak pek hi a si. Hi thil 2 hi misual na ton sual ahcun na theih peng hrim hrim dingmi a si. Misual cu na ton vek vek i zaamnak caan a um ti lo ahcun, amah cu na ti khawh tawk in tthuat ve lai.

Mipi nih nan thawng cu an theih khawhnak ding caah lang tak tak in na cawlcang lai i, zoh nuam bantuk (scene) na ser hrim hrim a hau. Mi sual mithah hmangpa nih cun a nunnak caah himnak kawl cu maw asiloah  fahnak nganpi tuar cu dah ticu caan tawi te chung lawng duhthimnak caan a ngeih caah misual cu lungfim tein na doh lai.

In 1981, kum ah khan sociologists Betty Grayson , Morris le atu ca tialtu pa hna nih research pakhat biapi tak takmi an tuah. Hi research an tuah ning cu : New York khua laifang ah a thlithup video camera an chiah. Hi video camera nih cun mipi lam a kalmi hna cu tha tein record a tuah hna.
Hi New York khualaifang i video  record an tuahmi cu ahnu ah thongtla misual tak tak (inmate) pawl sin ah pakhat tete in an zohter. Thongtla pawl cu pakhat te te in buaihnawh dingmi minung (next victim) an duhmi an thim ter hna. Minung video chung pawl umkalning,a hmun le a caan rem zoh buin buaihnawh ding minung cu thongtla pawl nih an thim hna. Hi hlathlainak (research) nih hin misual hna lakin kan i ven khawhnak ding lam tampi a hmuhsak.

A hmasa bik ah thongtla pawl cu video i minung hna lakah aho hi dah fawi tein a tlaih khawh dingmi minung cu an thim ter hna. Thongtla pawl nih minung an thimmi hi aa khat dih ngawt. Asinain a pahninhnak ah ruah lo leng in thongtla pawl nih victim caah an duhmi hi a phundang ngai.Cucu nu-pa (Gender), Race (Miphun) le Kum (age) ah cu theng theng tiah an thim lo. Tar le nu a derthawmmi hna cu an thimbik ding a lo nain an thim bikmi an si theng hna lo. Hi hi khuaruah har ngai te a si.

Hi thongtla pawl nih an thim deuhmi tak tak hi phundang deuhpi a si. An lam kalning, an ke an thui ning le lam an kal tikah an taksa umtuning hi an zoh bikmi tu a rak si. Hi nih hin cawnnak ttha tak tak researcher pawl a pek hna.

 Hi researcher pawl nih a tanglei i lam kal tik i umtuning ding an langhtermi hi a biapi tak takmi cu a si. Lamkal a dik lo ahcun misual caah target colh a si . Kan theih cang bantuk in misual mithat hmangpa nih hin miphun, kum, nu-pa (Gender) kong an buai ve lo.

Khuapi chung lam na kal tik le na lunghrinhnak hmun i na kal tikah hitihin na kal lai hrim hrim .

Na ke na thui tikah thazaang a ngeimi le thazaang chuah bu tein, pin nawn in hmanthlak bantuk hin na thui lai. Hi nih hin nangmah ah, mah le mah i zumhnak (confidence) na ngei ti kha a langhter. Thongtla pawl nih hi bantuk hi an thim duh lem lo mi hna an si. Na ke cu na thui tikah dawh te le ttha tein in hmailei ah na thui lai. Na ban zong hmanthlak bantuk hin tha tein na thui lai. Na pumchiahning zong rual tein na chiah lai. Na chunglei in thazaang a neimi lamkal in na taksa na cawl ter lai. Lam na kal tikah na hmailei te lawng zoh lo in na pawngkam cu na zoh pah peng lai.Lam na kal tikah na pawngkam minung pawl bantuk in na kal lai i, a ran deuhnak lei paoh in kal khawh naa zuam lai. Hi nih thazaang a ngeimi na si kha a langhter lai

Hi ti hin na kal hrim hrim lai lo.

A cung i hmantlak nih a langhtermi cu a herh lo tiang a ke a thuimi minung a langhter. A herh lo tiang sau tuk lehpek a ke a thui. Hi bantuk lamkal nih mipi lakah lam kal aa phundang ngaimi an lawh ter i, hi bantuk i lam a kalmi hi thongtla pawl nih an thim bikmi hna an si. Hi bantuk i lam kal dik lo in  na kal tikah ral a chiami le a cawngmi (nervous) an lawhter. Cucaah hi bantuk lam kal hi na hrial hrim hrim lai.

Hi bantuk zong in lam na kal fawn lai lo..

A cung i a langhtermi hi a ke tawi te lawng in a thuimi a langhter. Hi hi hngakchia bawhte lamkal bantuk a si. Hi nih thazaang a ngei lomi a lawhter. Hi bantuk i lam kal tik i ke a hnuh i hnuh hi misual nih an thim bikmi an si. Na ban zong hmanthlak bantuk hin na chiah lai lo. Na pum nan chiah ning zong hi bantuk hin a si awk a si lo. Lam na kal tikah kawi tuk le na taksa le na ban vaih he aa ruang loin na kal lai lo. Hi nih a ral a chiami le  a cawngmi an lawhter i misual caah duhmi (next victim) na si. Mipi lam a kalmi nak i nuar deuh i na kal tikah fawi tein nangmah cu thim peng na si lai.

Cun lam na kal tikah misual i na ruahmi cu hmu lo bantuk in na kaltak sawh sawh lai lo. Ttih bak lo in na mit sir lei deuh in misual pa theih awk hrim hrim in na zoh lai. Hi nih hin misual pa cu a lau ter i, victim ah an chiah ngam lai lo. Na taksa nih cun misual pa cu kan hmuh ko fawi tein na ka buaihnawh kho lai lo ti bantuk in langhternak a tuah hrim hrim awk a si.

Hi bantuk i lamkal hi a har deuh zong ah mipi hmai le na lunghrinnak hmunhma i na kal tikah zulh khawh hrim hrim naa zuam lai i, na philh hrim hrim lai lo. Misual pa cu na zoh lai, hmanthlak i lamkal ning (posture) a langhtermi vialte hi na zulh lai, thazaang chuah in ding tein na kal lai, lam na kal tikah hmailei le pawngkam na zoh lai, mah le mah zumhnak a ngeimi (confident minung) bantuk i lam na kal lai. Hi vialte nih hin misualpa target chungin an luat ter peng lai.

Source : NBC