Aung La N Sang Le Vitaly Bigdash An I Phomh Tthan Lai

Atu lio one championship middle weight champion asi mi Aung La N Sang nih a champion taisawmh cu an rak i tthuat balmi Vitaly Bigdash sinin a runven tthan cang lai.

One championship nih a ra laimi an puai konglam cazin cu February 20 nihin ahkhan an rak langhter i cu chungah Middle weight champion taisawmh runven ding zong a rak i tel chih.

Aung La N Sang le Russia rammi Vitaly Bigdash hi a ra laimi April ni 10 ah Indonesia ram ah middle weight champion taisawmh cuh an rak i timh hi asi. Aung La le Vitaly hi a liamcia 2017 January 14 lio ahkhan a voikhatnak an rak i phomh bal cang.

Hi lio an rak i tthuat ahhin mark in tei tu le a sungmi an rak thim hna i Vitaly nih mark in a rak tei. Cu hnuah 2017 June 30 ahkhan Myanmar ram Yangon khua ah a voihnihnak an rak i phomh tthan i cu ahcun Aung La nih mark in a rak tei ve tthan ruangah middle weight champion taisawmh cu a rak co hi asi.

Kum 35 asi mi Vitaly hi 2018 December thla kha a hnu bik ring chung aa phomh hi asi. Hi lio ah Japan rammi Yuki Nimura he an rak i phomh i Vitaly nih a rak tei. A ra laimi April thla ni 10 ahhin Aung La le Vitaly cu middle weight taisawmh an i cuh lai pinah America rammi Demetrious Johnson (UFC ah champion asi balmi) le atulio ONE Flyweight World Champion Brazil rammi Adriano Moraes zong ONE Flyweight World Champion taisawmh an i cuh ve lai tiah theih asi. Source:Bleacherreport

Nawlnak: Kan website ttialmi ca pawl title le zuk thlen in na website ah copy paste tuah piaklo dingin kan in nawl.