Caw Fir Aa Timmi Malaysia Mifir An Motor Tu An Sung

Fir timhmi caw pathum cu motor pakhat chungah tet taktak an hmuh hna. Caw pathum cu an rih tuk caah an motor ke a rak kuai i caw firtu pawl cu an ke in an rak zaam diam. Lam kam ah dir termi Honda Odyssey motor cu mipi nih an hmuh ruangah lunghrinh in Malaysia palik an chawnh hna.
Hi motor an kaltaknak hmun hi Malaysia ram Pahang peng Chini khua ah asi i palik nihcun license lo mi le number plate umlo mi a ke kuaimi motor cu an va hmuh. Motor innka an on hlan cu ningkel thil asi ko nain motor innka an hun on hnu tu ahcun khuaruahhar ngaiin le tet ngaiin khumhmi caw pathum cu an hmuh hna. Palik pawl nihcun ttamhal ngai le tha di ngaiin motor tthutdan bawhter mi caw pathum ruangah motor ke a kuaimi asi nak kong an rak chimphuan.
Hi caw hi a nu le a pa an si rak langhter chih asi lo nain an rihzaan tu cu minung 35 in minung 40 kar lak rihzaan he aa tluk lai tiah an zumh. Malaysia ram hi mifir le damiah an tam ngainak ram pakhat asi ve.

Nawlnak:kan website ttial mi ca a title thlen riangmang in na website chung ah copy paste kan tuah piak ti hlah.