Mah pitar nu i thiltha a tuahmi thawng hin minung nunnak tampi an khamh khawh cang hna

Hi tarnu hi a min ah Daw Aye Yi ti asi i Ayeyarwady ramtthen Ing Ga Pur peng Mae Zali khua ah a ummi a si. A pasal nih a thih taknak a sau ngai cang pinah a fapa zong nih ralram ah a thih tak ve.

Amah lawng a hmeihnak caan a sau ngai cangmi pitar pakhat a si. Pension tlawmte a ei i eidin dawr hmete zong a tuah pah chih. Cu lawng siloin pitar te asi ko nain Sanay bazaar ah ti um a zuar tawn i zaanlei paoh ah changreu a zuar tawn.

Cu i a hmuhmi chung te cun phaisa thong 33000 kyats hi Mae Zali siizung pi ah an herhmi oxygen cawknak ah thla fatin tein a hlut tawn hna. A hlutnak hi kumkhat a si cang. A caan ahcun thong 50000 kyats in ka hlut lai tiah a ti tawn nain thong 33000 kyats hi a za ko hi nih hin oxygen lung 3 a cawk khawh i thlakhat ah lung 5 lawng hi kan hman tawn mi asi tiah sizung lei nihcun an ti.

Mah ruang ahcun a hlut kel te tu in a hlut lengmang. Mah pitar nu i thiltha a tuahmi thawng hin minung nunnak tampi an khamh khawh cang hna . Upat awktlak mah zawn aa ruat lo mi mi ttha pakhat asi.