Phun Dang Ngaiin A Rak Chuaklang Tthanmi Song Hye Kyo

Aa dawh tuk ruangah Asia i vanmi ti tiang in min an sak phahmi Song Hye Kyo cu kawlram mi paoh nih Onn Saw tiin kan theih cio. “Autumn in my heart” timi drama aa thlak nak in mi nih an theih cio i atu tiang zong in thazang pek ngaimi minthang lemcang pakhat a si.

Mipi dawtmi Song Hye Kyo cu fakthanh hmanthlak aa thlak thar mi a rak chuak tthan. Mah hmanthlak cu Brand Suecomma Bonnie caah aa thlakmi hmanthlak a si. Tu lio cu mah Brand Suecomma Bonie he rian an ttuan tti i fakthanh hman zong aa thlak cuahmah lio pi a si.

A luancia mi 2019 chung ahkhan a pasal he an buai ngai hnu ah a donghnak ahcun an pa he an rak i tthen thai. An pa he an i tthen lai an buai pah lio pi zongah a rian kha tlolh lo tein a rak ttuan peng. An i tthen hnu tu ahcun Song Hye Kyo cu a style vial te aa thlen dih i mithar bantuk ah a cang tthan.

Hlanlio Song Hye Kyo ti awk tang lo tiang deng in pungsan dang style thar he a tucu caan a hman lio a si. Drama lei lemcannak belte ahcun Park Bo Gum he lem an can ttinak Encounter timi drama pin khan a dang aa thlakmi a um rihlo.

An pa he an i tthen hlan ah drama i thla ding in an rak hlan ko nain an chungkhar buaibainak ruangah a rak al tthan dih hna. Song Hye Kyo agency nih cun drama i thlak ding in an hlanmi a al mi hna cu an pa he an i tthen ruangah cun a si lo tiah an rak chimphuan ve.ref- LN