Thin Zar Wint Kyaw Cu A Pum Tatto Khah Aa Tim Cang

Mat Mat Thinzar tiah tlangval no pawl nih dawtnak in an kawh auhmi Thinzar Wint kyaw thil tuah mi pawl cu a ropui ko. A thil hrukaih le a thil tuahmi pawl hi micheu khat nihcun an soisel ngai nain a cheu tu nihcun an ttanpi ve i an uar tuk tthiamtthiam.

Asinain mi nih zeitluk in an soisel ko zongah a tuah duhmi cu amah kel tein a tuah tu mah lung rinh pakhat a si ve. A caan caan ahcun a soisel tu pawl kha a sirhleih chin hna ti awk a um.

Tu chun Veletine’s Day zongah thil pakhat a pum chungah a tuah tthan mi a um. A ban le a keng ah tattoo ngan taktakmi aa suai i cu aa suaimi cu amah facebook timeline ah video tawi tein a vun tarlangh tthan.

Mah video tawite cu caption ah ”mission accomplished” timi a rak ttial chih rih. A ban i aa suaimi cu nupa hmanthlak a si i a nu le a pa an no lio hmanthlak a si ttheu lai tiah zumh a si. Cun a keng i aa suaimi tu cu rul hmanthlak a si i a rong a senmi a rak si.

Thinzar Wint Kyaw hi sexy hrukaih hman ruangah warning pek zong a rak tong cangmi asi. Asinain cubantuk warning an peknak cu pipa ah a chia lo i aa hrukaih ning cu a zual chinchin mi tu a lo. Hibantuk a sexy ngam ruang theng ahhin a ttanh tu zong an karh chin ve hna. PHOTO & VIDEO