Valentine’s Day Ah Thinzar Wint Kyaw Nih Tlangval Kawl A Bat Cangnak Kong Le Pasal Ding A Duh phun A Chim Tthan

Sexy taktak a hmanthlak social media i a thlah tawntu Thinzar Wint Kyaw cu ram pumpi level i aho paoh nih caih le phai ciomi asi tawn. Myanmar Celebrity nih interview an tuah i pasal caah zei bantuk dah na duh lai i zeibantuk dah naa thim lai. Asi lo le hitihin dab lengttul na ttuan thai ko lai tiah bia an hal.

Thinzar Wint Kyaw nih ”Cansau pi tiang aa duh i a hmun khomi pawl khi ka hngar ngai ko hna nain velhle a thiammi pawl tu khi cu ka uar kho hna lo. zei ruangah tiah cun velhle hi ka uar lo tuk. Kum hnih kum thum hna i duh hnu le kan thinlung hna aa theihthim ko ahcun i um i tefa hna vun ngeih colh khi ka uar phun tuk a si. Asinain a cancan ahcun kei cu thlathum thlaruk kan i ttuai hna hnu ah ka lung aa thleng i ka lung an tlin ti lo ahcun ka kawm huam ti hna lo. Keimah he lungthin aa khat dingmi pa hi cu an har tuk. A ka naihniam mi an um i kan lungthin hna aa theithiam mi kan si ko ahcun pasal cu ka ngei men kho ko. Tlangval cu a kawl zong ka zuam ti lo i a bat zong ka ba” tiah a nih pah bu in a leh hna.

Cun a peh rih mi cu ”kei cu mi cung lawng ah um a duhmi ka si i hringtu ka nu hmanh nih a ka ti tawn nangmah an duh mi pa hi cu mi nunnem mi na zia an ing khotu an si a hau atu tiangah na zia an ing kho tu hi cu kanmah hringtu na nu le na pa lawng kan si rih. Na nu le na pa hmanh nih a caan ahcun kan i in khawh lo caan zong a um ti tiang in a ka ti phah. Leng ttul ttuan cu ka chim ngam rih lo ka ttuan lai ka ti ttung i pasal hna ka ngeih sual si cun poi tuk lai. Pasal ngei ding ka si ahcun ka chim hmasa ti lai lo ka ngeih taktak tik hnu lawng ah thawng ka thanh te lai” tiah a chim

2020 chungah hin tah zeidah na lawh lai tiah an hal i ”a hman ning tein chim ahcun kei cu keimah nak a kum upa deuhmi lawng hi ka duh hna . Mah nak upa sin ahcun i hnoh khawh zong a si i, i hnoh hna hi ka duh ve. Cu pinah keimah nih control dingmi le ngakchia bantuk in zohkhenh hau mi lungretheih peng ding cu ka huam phun a si lo. A si khawh ahcun keimah nak in kum upa deuh mi ka duh ko hna” tiah a chim hi asi.ref- mc