A Poi Tuk: Nihin Malaysia Covid-19 Mizaw Thar 235 Bak An I Chap

Nihin March 26 chun 12PM tiangah Malaysia ram ahhin covid-19 mizaw thar 235 an i chap hna tiah theih asi. Cu ruangah Malaysia ram ahhin ram pumpi huap in covid-19 mizaw milu 2,031 an phan cang hna.

Zawtnak hmuh thar mi minung 235 chung ahhin minung 60 hi Sri Petaling khua muslim pumhnak in zawtnak aa laakmi an si hna tiah theih asi. A taagmi pawl hi khoika in le zeitin in zawtnak an i laak hna timi theih asi rihlo i dothlatnak an tuah cuahmah lio lawng asi.

Malaysia mizaw 2,031 chung ahhin minung 45 hi an zualhma ngai hna i minung 32 hi thli pek chom in an nunnak aa tlaimi an si hna. Malaysia ram ministry of health nih hi covid-19 zawtnak in Malaysia ram ah minung 21 an thih cangnak kong an rak langhter chih. Malaysia nih covid-19 mizaw a damhmi minung 215 an um cang tiah theih asi.