Catang Sang Pi Cawng In Ramdang In A Rak Kirmi An Si Hnalo Nain Mah Te Hngalhnak Le Khuami Cung Dawtnak An Langhter Mi Zoh Tikh Upat Lo Awk An Ttha Hrim Lo

Covid-19 kan ngeih sualah tiah ramdang in a rak tlungmi tlangval no cheukhat pawl cu an khuachungah lut loin ramtang tu ah ni 14 chung umtthut chung ding in an i timtuah hna. Cuka ramtang ahcun siiai lei i zohkhenh nak zong an i tuah chih hna.Shan ramtthen Hoepone myone Naungyasai khuate in tlangval no cheukhat pawl cu atulio ttihnung zawtnak kong runvennam an i tuah ning cu duh a nung tuk hringhran. Hibantuk in anmah zawn lawng i ruat lo in zawtnak hna ngeih bu he khuachung luh sual ahcun an khuami an chawnh sual hna lai kha an phan caah hiti in khualeng ah an umnak hi a si.

Hi kong hi an khuabawi pa nih a chimmi a si i mipi zong nih an thangtthat tuk hna. Hi tlangval no pawl hi an min le khoika ram in an rak tlun timi tu cu an rak langhter chihlo. Cu lakah US le ram thumnak a tlungmi cheukhat cu cubantuk khuate mi tete mah te runvennak le hngalhnak an ngeihmi zat hmanh a ngeilomi an tam hna.

Mah te i hngalh le theihnak a ngei velo hratmi minung hna nihcun anmah nihkhan midang harnak an pek tawn hna i an hgalhlo le an theihmi thil paoh kha zumhlo in lih an puh ttheo tawn.