Chin/Laimi Tampi Umnak Delhi Zong Ah Coronavirus Ruangah Lung Rethei In An Um Cang

A tulio zawtnak tihnung tak mi cu Coronavirus a si. A thimi an tam cang pinah hrik a kai cia mi zong ankarh chin thluamah. A tu ni March 3, zongah Delhi pawng Noida ah Shriram Millennium siangiin le a dang pakhat cu an khar piak hna. Shriram Millennium siangiin ah a kai mi pa i a pa hi Coronavirus possitive a si cang tiah theih a si. Mah pa hi Delhi ah an chungkhar in khua a sa mi a si.

February 28 ah khan Coronavirus hrik a ngei mi pa i a fapa cu birhtday an tuah piak. Mah birthtday puai ah cun sianginn a kai ti mi a hawikom tam pi zong nih an tel pi ve. Nizan March 2, cacawn nikhat ni ah khan minung pahnih cu coronavirus positive an si cang tiah thawng an thanh. A tu hi Delhi siizung Safdarjung Hospital ah sianghngakchia pa, a pa cu zohkhen ding ah an chiah loi a si.

Sianghngakchia pa a sianginn kai ti hawi minung 40 zong a tu hi a dang tein an chiah hna i siizung ah coronavirus an ngei le ngei lo an test lio pi hna a si. Coronavirus zawtnak a ngei mi pa hi a naiah Italy lei a tlawng mi a si. India ah hin minung 6 nih coronavirus an ngei cang tiah an langhter.

Delhi ah a um mi Chin/Laimi pawl zong ralrin tak tak a hau ve cang. Coronavirus hi a karh ning a rantuk mi a si. A tu zawtnak a ngei mi pa a umnak siizung hi Chinmi umnak he a neih te mi a si. Cu caah lengchuah tik zong ah ralrin tein um peng ding a si.