Chin Minister Motor Pakhat Lam Thlang Ah A Tla, Minung 3 Fak In An I Khawngdeng Hna

Chin ramtthen Lahwahkah Minister U Phway Ar motor cu nihin March 22 zinglei 10AM hrawng ahkhan Mindat khua khuachung luh lai te lamthlang hor kuang chung ah a tla tiah theih asi. Motor chung ummi U Phway Ar fapa telhin minung 3 hliamhma fak an ingtuar hna tiah theih asi.

Mindat khua khuabawi pakhat U Naa Hung nih “motor a tlak sualnak hmun hi Mindat khua luhnak Vum Tu Maung pangpar dum thlang te ah asi. Minister pa tu cu motor chung ah a rak umlo. Motor chung ah Minister pa a fapa taang 9 kai lio mi pakhat, a chungkhar pakhat le motor mawngtu tiin an rak si hna. Motor a tlaknak horkuang hi a thuk ngai. Motor cu laak tthan ding a fawi ti lo an ti” tiah a chim.

Apeh rih mi cu “an motor hi a rang muci asi. Hi thil a can hi pumh kan hun ttinka 11am hrawng ahkhin asi i MaYahKah zung in minung pakhat nih Minister pa motor lam thlang ah a tla sizung ah na ka zul lai maw a ka ti i ka va zulh colh ve. Minister pa fapa cu a lu zawn ah aa khawngdeng. A ke aa khawng mi zong an um hna i Mindat sizung in Mandalay sizung lei ah an tthial ter colh hna” tiah a chim.

Minister U Phway Ar hi Mindat sizung a phanmi Paletwah ralzaam pawl a veh hna lio asi tiah theih asi. Ref:Zalen