Chungkhar Biaal Nak Ruangah An Chungkhar Bom In a I Puah Hnawh Hna,

Karen ramtthen Hpa An peng Hkalohnuh Sanpiah khua Ungtapyin sianginn pawngah bom a puak i ceihma ngai in minung pahnih an um tiah theih asi.

Hpa An peng mi bawmchantu phu hna nih a herhmi vialte an va tuah piak dih hna hnuah Hpa An sizung ah a zual ngaimi pahnih cu an kalpi hna. Hi hna chungkhar hi minung 3 an si i a hmun ahcun minung pakhat a nunnak a liam colh.

Hi thil aa thawk ning hi pafa hna pahnih bia an i alnak in asi i cuti bia an i al luklak ahcun kut hlonh bom an i puahhnawh hi asi tiah khuami hna nihcun an chim. Sizung an phanh pi hna hnuah minung pakhat nunnak a liam chap tiah Hpa An rescue phu nih an rak langhter tthan.

Hibantuk bom puah tiangtiang in zei ruangah dah an rak i sik hnga timi tu cu an rak langhter chih lo. A thimi le hliamhma a tuarmi hna zong a ho an si le an min tibantuk rak langhter chih mi a um rihlo.