Coronavirus Challenge Tiah Ekinn Todan A Liakmi Pa Covid-19 Positve Asi Cang

A liamcia ni tlawmpal ahkhan social media chung ah a laar ngaimi GayShawnMendes (Larz) timi pa nih “coronavirus challenge” tiah ekinn todan a liah lio video cu twitter ah a rak post. Ni tlawmpal a rauh hnuah cubantuk a thil tuah cu a phichuak a hmuh colh ve.

Amah hi ekinn todan a liah hnu ahcun covid-19 positive asi tiah theih asi. Hibantuk coronavirus challenge hi Tik Tok chung ah an rak tuah hmasa. Tu ahcun coronavirus hi thli cung ah suimilam pa 4 chung a nung kho tiah thiamsanf hna nih an rak chim cang.

Larz nihhin hibantuk coronavirus chanllenge a tuah hnu ni tlawmpa a rauh hnuah ihkhun cung a um lio hmanthlak he covid-19 positive ka si timi ca ttial cu twitter ah a rak thlah tthan hi asi.

Larz hi hlan zong ah supermarket chung an zuarmi icecream cu a rak liah hnuah a rak chiah tthan bal cang. Cu lio zong ah video a rak i thla i cu a video zong cu a rak laar ngai bal cang. Hruh game aa celhnak in hruh laksawng a co ve tiah mi cheukhat nih an ti.