Covid-19 Mizaw Hna Caah Tiah Zawnruah In A Inn A Lawnh, Anmah Tu Khuate Ah An Kir

Covid-19 he pehtlai in mizaw an um sual ahcun tiah an umnak inn pi cu sizung bantuk i hman ding in le bawmhnak pek ve duh ah tiah a inn a lawnh i amah le a chungkhar tu cu an chuahsemnak an khua khuate ah caan karlak um chung ding in timhlamhnak an ngei.

Madalay khua ah khua a sa mi Shwe Na di mansung  lungvar company a ngeitu U Mg Lwin nih Mandalay khua ah Covid-19  mizaw an um sual ahcun tiah mizaw thlopbulnak dingah an inn cu sizung ai hman dingin caan kar lak a lawnh. Mi zaw an um taktak ahcun sizung tampi a herh kho mi a si caah amah an umnak innpi mizaw 30 hrawng aa tlum khomi innpi cu hman chung ding in bomhnak a pek hna hi asi.

Kan chungkhar kan umnak innpi hi mizaw 30 hrawng cu aa tlum kho ding asi ve i sizung sikhan caah tiin kawlram ngandamnak le zangleknak zungpi ah hman chung ding in thawng ka hei thanh hna. Mah te tal hi kan nih chungkhar nih kan miphun caah kan tuah khawh tawk te a si. Kan nih chung tu cu kan chuahsemnak kan khuate ah caan karlak cu kan va um chung ko lai tiah U Mg Lwin nih cun a chim.

A nungmi Pathian an bia lo nain an nunnak in a langmi thil hi kan mah Khrihfa aa timi tu nih hin cawn awktlak a si ti ruahlo awk a ttha lo.